「手天使的愛情」幫人洩慾，竟愛上盲女。: 61；發夢夢見同屋企人嘈起上黎。

人地話唔開心會陸續有來，果然係真，發發下夢都可以嘈起上黎。

爹地：「你同個盲妹，分咗手未？」

我：「乜野盲妹，佢叫永芹，我講咗好多次，佢叫永芹！」

爹地：「是但啦，你唔係諗住婚姻係咁簡單掛？家陣唔係養寵物呀，你係照顧人地一生一世！」

媽咪：「阿仔，聽話啦，同個個永芹分手啦，最多我地唔逼你娶老婆啦！」



我：「我就係諗清諗楚，先覺得同永芹結婚。」

爹地：「咁你即係想激死你爺爺嫲嫲，同埋你婆婆，佢地都80幾歲人，你係咪要佢地仲為你擔心？」

我：「我都唔明點解你地咁固執，永芹係睇唔到野，但我地之間有默契，有共同興趣，有feel，拍咗成年拖，我地都覺得對方好適合，點解唔可以結婚？永芹爹地媽咪都支持我地，你地係我屋企人黎咖！」

爹地：「家陣係佢地既女睇唔到野，搵到人照顧梗係開心喇，你試下係你睇唔到野而佢個女睇到野，你當人地傻咖咩，康樂園既家底，驚搵唔到好女婿？」

我：「你唔好成日講到人地係咁諗好冇，你係咁諗啫，唔代表人地都係。永芹爹地媽咪對我不知幾好，點會好似你地咁紋塞。」



媽咪：「我地唔係紋塞，我地係想你好。婚姻唔係你諗得咁簡單，你要照顧一個睇唔到野既老婆，係好難咖。好多人雙方都冇殘障，結果都要不歡而散，就知道婚姻唔係一句承諾咁簡單！！！」

我：「我可以照顧好永芹，因為我愛佢。」

爹地：「你點照顧佢呀？你對眼都有問題咖，仲要成個大細路咁，點照顧佢呀？」

我：「咁以前d人都估唔到有人可以升空啦，家陣咪又係得。點解你地唔可以祝福我同永芹，係要成日潑冷水。」

而我同永芹行喺街上，竟然都俾街坊笑，俾人指指點點，甚至連Jim Jason Edwin都走黎潤我。




Jim：「咦，偉人輝又拖出盲妹出巡呀？」

我唔想理佢，拖住永芹想走，點知Jason攔住我地。

Jason：「盲妹係咪好好砌咖？」

我：「我屌你老母，你講乜撚野呀？」

Edwin：「人地話你傻仔呀，溝賓妹都好過溝盲妹啦。」


我用手遮住永芹耳仔，扶住佢走。




返到康樂園，估唔到，世伯伯母都話我係想謀佢地家產！


「我冇呀！」



我從夢中醒來，眼中仲殘留淚水。

我唔開心唔係因為我俾人話，我唔開心係因為永芹俾周遭人嫌棄。

被嫌棄既滋味，我由細到大都經歷過，我一直隱藏自己弱視呢個事實，唔俾同學知道，咁小四有一次就搞埋d視力測試，結果我右眼連最頂端既字母都睇唔清。同班有d調皮既同學就大肆幫我宣傳，添鹽加醋話我戴咗眼鏡右眼都睇唔清野，仲幫我改花名做，獨眼龍。


自此，學校有咩籃球賽，足球賽，我一報名已經俾同學笑鳩我睇唔到野，派我出場輸鳩硬。



搞到我一度連校運會都唔敢參加。

笑到小六，對眼開始有少少斜視，於是就俾同學笑鳩我鬥雞眼。


個陣時TVB成日播d 情情愛愛既電視劇，我年少無知以為個女仔靚就代表我鐘意，於是第一次同人表白。

我：「何嘉宜，我鐘意你。」

如果小六俾女仔拒絕，可能係因為個女仔怕醜，但係，個女仔就話自己鐘意同班另一位男同學，我問佢點解，佢話人地靚仔過我，對眼又唔會咁。



聽完佢咁講，我真係好後悔點解咁on9走去表白，聽到個女仔兜口兜面嫌棄自己，猶如晴天霹靂。




我唔甘心，因為我對眼就要俾人嫌棄，於是我開始好俾心機溫書，仲成日走去圖書館睇書。

踏入中學，我就用自己既成績搵返我既自尊，自此冇乜人再話我對眼點點點。



好景維持咗冇幾耐，出黎做野又開始俾人笑鳩我鬥雞。


原來一個人有殘疾，就註定要奮鬥一生，無所不在既歧視，冷嘲熱諷，都會迎面而來

我深深明白到一個人俾人嫌棄係幾咁難受。




所以我發完夢仲喺度喊，係情有可原，因為我諗返起自己既開朗，都係自己調整心態，一步步去對抗世界對我既嫌棄。



訓下，諗下，唔經唔覺已經到咗早上七點，我起身刷牙洗面，見到爺爺嫲嫲已經起咗身。

我：「早晨。」

爺爺：「咁早呀？唔訓耐d？」

我：「陪你地飲茶呀嘛。」

爺爺：「咁乖，就搵返個女朋友啦，成家立業，好緊要。」



我每一次見到我阿爺，真係壓力好大，唔講眼就講前途，唔講前途就講婚姻

但係，咪睇我阿爺成日鬧我，其實佢好錫我，好關心。


只不過係有一種，一啖砂糖一啖屎既感覺，令我感動既係佢，令我抆既又係佢。


我好想同屋企人講，其實我識咗個女朋友，佢叫永芹。

我好想同屋企人講，其實我已經入咗殘聯會，做手天使。

我好想同屋企人講，其實我成日對住部電腦唔係打機，而係打緊小說/文章，我做緊自己鐘意做既事情。

我好想同屋企人講，永芹雖然睇唔到野，但我願意陪伴佢，因為感覺呢樣野呃唔到人，只有同佢一齊，我先會咁sweet。以前我會覺得一見鐘情，閃婚個d人好on9，係因為我未遇過令我覺得可以情定終生既女仔啫。

家陣我搵到喇。佢係有缺憾，我都有缺陷啫，互相扶持，我地係可以搵到屬於我地既幸福。


坦白講，亦因為有芹芹喺我身邊，我份人先自信咗好多，平時我自己一個人都會走去海濱公園啦，係因為有芹芹，我先變得咁熱衷，咁有動力。

幫人洩慾，竟愛上盲女，如果寫成故事，一定比好多人恥笑，但係，呢d係我既經歷，我點解要驚人地恥笑，至少我同芹芹一齊，好開心，好幸福。我唔係冇FF過佢睇得返野，只係，此時此刻，佢睇唔睇到野，我諗都冇辦法阻止到我對佢已經情根深種。

毒撚好易中意人，係事實，然而，搵到一個啱key又夾既女仔，我就唔會放手。

成世人最大成就，或者就係遇到永芹。


佢係我初戀，同佢一齊，我好開心，好滿足。


未認識永芹，我成日都聽高登歌，然後上高登，寫高登故。


風吹散前額的髪
掠過失落的眼
人海中我不矚目
兩肩孭起背包

這一晚還是快餐
已加班第幾晚
能得到卻很有限
望置業極難

凝望著像密室四面牆 (repeat)
空白蒼涼
難以對愛戀諸多幻想
誰在學習堅毅自強
來尋覓路向
沒有路向 但網上有
萬個知己拍掌

唱(這)一闕高登歌 (repeat)
關於孤獨的我
從螢幕看過 (全城聚滿了)
麗人如此多 (寂寞人很多)
但空虛感偏更多 (互不相識都可切磋)

唱一闕高登歌
多少佳節網上過
從來未愛過 (誰人步近我)
並未能開口 (若是能開口)
鍵盤中可反映更多 真的感覺(或終可得到好結果 不必一個)
(全城聚滿了 寂寞人幾多 互不相識都可慰解 真不錯）

向右行 還是向左
仍是孤身一個
人生中有些機會
永遠不會屬於我

愛自由 原是借口
是我膽量不夠
如初戀 漫畫店有售
便快樂無求

https://www.youtube.com/watch?v=KfBDwZZUF34

我諗，冇乜人會好似我咁，迷戀高登，崇拜高登，我既所謂幽默風趣，都係上高登學返黎