[惡搞無極限] 就係咁，我同幾個豬朋上左大陸獵金: ２８ 記得買手信
尋晚我一訓落床就好快訓著左，今晚就訓極都訓唔到，鬼咩，條片比人放左上網，點會訓得著。
而阿媽就成晚都無出過聲，剩係抱住隻貓係廳度煲劇，仲可以大聲笑，我諗佢應該無事。
阿欣就不停ＳＤ ＭＳＧ黎，我而家真係費鬼事理佢，成件事由頭到尾都係佢搞出黎，但係佢一Ｄ事都無。
我著草果單野，都無諗住同佢講，事關我怕同佢講左之後，佢既反應係，「著草我未試過啊，咁好玩，我又去。」
訓唔著，但又唔敢開電腦，望住電話不停彈出阿欣ＳＤ黎Ｄ ＭＳＧ，有一種無奈衝左上心頭。
過左陣，阿媽煲完劇入行到我房門前，「唔好擔心咁多，都已經發生左，慢慢就會無事架拿阿仔。」
果一刻，我望住我阿媽，好感動下，搞左咁大單野，佢打都唔打下，仲可以咁平常心對待我。
「你係上面返落黎，記住帶手信比我啊，早抖。」
阿媽⋯⋯我係去著草，唔係去旅行啊。