[惡搞無極限] 就係咁，我同幾個豬朋上左大陸獵金: ７６　ＣＣＴＶ內的畫面

「咁佢係ＧＡＹ吧做野未真係好開心囉，就如同係後宮既世界一樣。」阿俊笑住咁講。 

「都係架。」勞斯萊斯附和，「但係佢既取向果陣時得老闆先知。」 

「咁你係點知佢鐘意呢個種類？」 勞斯萊斯嘆左口氣，「……呢個係由我查緊點解有Ｄ客無啦啦比人爆樽講起。」 

—　—　— 

老闆吩咐後，勞斯萊斯係ＧＡＹ吧附近都裝左ＣＣＴＶ，想睇下邊個咁夠膽搞「英紅吧」Ｄ客。 





頭果幾日勞斯萊斯坐定定係個監控室度，連間吧都無落過去，聚精會神咁睇住每一個角落，因為佢好想快Ｄ搵到個兇手。 

但係呢幾日都相安無事，勞斯萊斯更懷疑係未兇手知道佢有如此舉動，所以停止左呢個行為。

如是者再過幾日，勞斯萊斯見都係無結果，而且都無點再聽到有客人被爆樽後，都開始落返間吧幫手。 

「衰野，仲咩咁耐唔見人姐。」一個打扮得好ＰＩＮＫ　ＬＡＤＹ既男仔，行到勞斯萊斯身邊，攬住左佢問。 

「忙嘛，衰野。」勞斯萊斯隨便咁回應後就做返自己既野。 





而係呢一晚，爆樽案又發生。 

勞斯萊斯係後巷見到今晚果位ＰＩＮＫ　ＬＡＤＹ男仔，比人爆左樽後訓左係地下度。 

佢見到後即刻衝左上去，叫左Ｄ人送左呢舍男仔去醫院先，然後，佢就衝返去過監控室度，睇返今晚前少少既錄影。 

畫面中，一個女仔拎住左個玻璃樽，慢慢行近左果個男仔，個男仔發現個女仔後，微笑打左個招呼，但個男仔無諗到，個女仔會突然間向佢出手。 

一個好利落既動作，玻璃樽觸碰到男仔個頭後清脆炸裂，碎片散落滿地…… 





男仔倒地，女仔踎低左，好似睇緊自己既杰作一樣，然後四處張望一下後離開。