[惡搞無極限] 就係咁，我同幾個豬朋上左大陸獵金: ７８　深情一抱

阿文因為剛剛爆樽後，雙手比玻璃整損左，鮮血因為佢雪白既手更加奪目。 

「妳不如包紮好個傷口先啦。」勞斯萊斯話，但係阿文聽到後搖一搖頭。 

「對唔住……對唔住啊……」阿文只係不停係度講對唔住，無講其他野。 勞斯萊斯只係好靜咁望住佢，都唔知做到Ｄ咩。 

「……不如……」阿文先開口，「你同老闆講啦。」 

勞斯萊斯聽到後，更加唔知點應佢。 





現在又靜左落黎，靜到，好似只係聽到二人既呼吸聲，一個係穩定，一個係急促。一剎那間，阿文衝左上去攬住左勞斯萊斯一下。

 「阿文……」勞斯萊斯開口，但係，想講既野都未講出口，阿文就已經急步咁走左。 

剩低既勞斯萊斯，只可以繼續腦袋空白咁留係監控室內。 

—　—　— 

「就係呢下你知道左佢既取向？」我問。 





「果下唔太肯定，直到我去將個事實話比老闆聽果陣，老闆先同我講。」勞斯萊斯答。 

「所以你最後去左講比老闆聽？」阿俊問。 

「係，因為我唔知係阿文走左之後，佢會唔會去同老闆自首。」 

「咁你老闆點做？」我同阿俊問。 

「佢……」勞斯萊斯欲言又止。