[惡搞無極限] 就係咁，我同幾個豬朋上左大陸獵金: １０４　志玲姐姐～

遞左部電話比阿倫後，佢就開左果個叫高德地圖既野出黎。 

「前方直走１００公里～」把聲駛唔駛咁嬌嗲啊。 

「同先果位哥仔話裝左志玲姐姐語音，仲以為佢講笑，原來係真架。」阿倫笑住咁講，「咁我點可以專心揸到車，我最愛既志玲姐姐。」 就係阿倫正想享受志玲姐姐語音之際。 

「屌！最撚憎佢把死人聲！」阿俊話。 

「無可能！無男人見到志玲姐姐係唔係心動架！」阿倫反駁話，然後望一望阿俊後笑左笑，「口不對心，你睇你幾大反應先啦。」 





坐左係後座既我同阿輝正想睇睇前座既阿俊搞左Ｄ咩野，但只係見到佢禁住自己果度，好尷尬咁講，「開車啦！趕時間啊！」 

我地幾個笑到收唔到聲之下，開車了，當然，仲要加上志玲姐姐呢一句，「啊～開車呢～踏上只屬於我們的快樂次旅吧～」 

頂！我諗呢個高德地圖一定好多人下載。 

車一開，阿俊個身都係坐唔直，佢郁身郁勢唔知搞咩，而佢問我：「阿賢，你估佢地講果個時興隆，係未你阿爺同你提過果個人？」 

車上面既阿倫同阿輝都望左望我，好似其實佢地都想知道咁。 





「我都唔知啊。」我答。 

「尋晚我地先話想去搵批金，咁不如我地就把握呢個機會啦。」阿俊話。

 而阿倫同阿輝都附和咁講：「都好ＷＯ。」
　
「啊～前面要轉左了～快一點～快一點～」志玲姐姐又出聲了，阿俊用好尷尬咁弓起左個身，而我地就大笑到收唔到聲。