[惡搞無極限] 就係咁，我同幾個豬朋上左大陸獵金: １３１　碇司令

就係佢地好興高采烈之際，有個大隻佬走左入黎，「吵甚麼吵！」我即時收聲，而阿俊就同個大隻佬講：「頭先佢叫我個名先啊。」

唔撚係啊，連睇住我果班人都賭……

「他媽的！輸了！」個大隻佬拎左十張１００人民幣比左阿俊，我係另一間監房隔住度鐵匣望住阿俊露出一個勝利既表情，真係好想打９佢。

而個大隻佬就行左過黎，「你媽的！害老子輸錢！你走著瞧！」

關我咩事！？個盤唔係我開！又係你自己要賭既！





我好無奈咁嘆左一口氣，後悔點解我要叫阿俊個死人名……

過左陣，個大隻佬將我地四個放左出黎，阿倫同阿輝就嬲爆爆咁望住我，而阿俊就搭住我膀頭話：「多謝關照ＷＯ。」

個大隻佬帶左我地去左一間房仔度，而個房仔入面有四空張木椅，同一張大枱，大枱尾坐住一個四眼仔，個四眼仔望一望我地一言不發，仲擺左個碇司令ＰＯＳＴ望住我地四個，望到實一實。

「坐低！」大隻老大喝左一聲，我地四個好聽話咁坐低左。

而果位四眼碇司令望住我地一陣，終於出聲：「而家你地四個整唔見晒左我地Ｄ貨，點算？」





我地四個Ｏ左咀望住佢，唔撚係啊？Ｄ貨唔見左一條假撚姐，你地可以屈我地整唔見晒！

「冤枉啊！」阿輝慘叫。

「唔係我做架！」到阿倫。

「冤有頭債有主啊要！」到阿俊。

你地三條友係未夾埋架。