[惡搞無極限] 就係咁，我同幾個豬朋上左大陸獵金: １３６　男人既浪漫

食完野，我從新望住四面牆，係我隔離倉既阿輝問我：「阿賢，你條腰無事嘛？」

又我醒返到而家咁耐時間，佢先問呢個問題，呢位兄弟真係呢……

「痛就唔痛，只係感覺有少少怪。」我話。

「係咩感覺啊？」係我斜對面既阿倫問。

「係有Ｄ人頂住左咁，郁動大Ｄ果四本回鄉證就好似郁一郁。」我答。





「慢慢你就慣架拿。」阿俊話。

「咁不如我同佢地講，叫佢地拎返四本回鄉證出黎，放係你度，等你慣下好唔好？」我笑住話。

「咁又唔好，放左入去就唔好亂咁拎出黎拿。」阿俊答，然後我地四個都係度笑。

笑左陣後，我又話：「阿輝阿倫，整到你地而家咁，唔好意思。」

「傻啦。」佢地兩個都一齊答。





「但係你地香港仲有份工，無啦啦無返幾日，會唔會……」「唔緊要啦，果份工一早都唔想做。」阿倫答。

「可能今次搵到金，就發達呢。」阿輝好天真咁講。

搵金，真係可以搵到？

唔知點解，係呢個監倉入面，我地四個傾左好多野，大家既興趣、習慣，研究點解阿俊咁鐘意志玲姐姐，又講下我女朋友阿欣。

可能，只要當你同一班人一齊經歷過一Ｄ大事後，感情就會慢慢咁加深，無論你地先前係仇家定兄弟，都會想一齊坐低好好高談闊論一番。





呢一種，就係男人既浪漫。