[惡搞無極限] 就係咁，我同幾個豬朋上左大陸獵金: １５３　寫字果個人

姐係咁，我點會估到我會係呢Ｄ情況下同阿妹相認……等等，我應該咁講，我點估到我係呢個情況下會無啦啦多左個妹……咁講又好似有Ｄ唔岩。

總之我而家個腦好亂，我都唔知點接受到呢個現實。

時興隆係喊緊之際，又拎左另一條鏈出黎，「呢條……」我無等佢講完就即刻拎左過黎，打開個鏈咀，見到張紙條，再三確認後，無錯，呢條先係我既鏈。

「寫字果個人……而家點？」喊左一陣既時興隆，而家終於都講返野。

佢問緊果位寫未既人，係我爺爺，而我戴返條鏈之後，就答佢：「爺爺佢走左。」如果佢真係我既妹，佢有權知道。





佢聽到後，喊得好勁：「爺爺以前好錫我架……佢成日買時興隆比我食架……」

咁妳未姐係食自己。

我起左身坐左係佢旁邊，同佢講：「其實我而家都未接受到妳剛剛同我講既野，甚至我都未知係未真實……」我一路講，時興隆就用一個好可憐既眼神望住我。

「妳唔好咁樣望住我先……」「哥哥……」佢一野咁攬過黎。

「等等……」我推開左佢，「我話我未肯定妳講既野，所以我都未知妳係唔係真係我既妹。」





「哥哥……咁你點先信？」我諗佢已經一心當左我真係佢阿哥，但佢咁一問，我又真係一時間諗唔出我要佢點證明先好ＷＯ，唔通滴血認親咩。

我再望一望條鏈咀，入面既字條，突然靈機一觸問佢：「妳頭先問我寫字果個人點，姐係妳睇左張紙？」

佢點一點頭。

「咁妳知唔知紙上面個地址係邊？」我問。

佢又點一點頭，然後話：「係我以前同媽媽住既地方。」





原來，阿爺一直要我搵既人，係我自己既妹……但係，我仍然要找個方法去確認。