[惡搞無極限] 就係咁，我同幾個豬朋上左大陸獵金: １８９　又著草！？

「阿賢你咁搞笑既，呢間屋係你阿妹住既地方，但你又要講實去你阿妹房見咁搞笑。」阿俊問。

佢地三個人比阿欣打暈左之後，就無左癲，但係一時咁正常既佢地，我又唔係好慣。

「口快快講錯係未唔得啊。」我答佢。

「都係一個地方，算啦。」阿妹講完之後，就望一望大門外面，「阿嫂仲未到既，係未我寫比佢既地址寫得唔好，定係佢唔知點黎……阿哥，點算啊？」

「阿妹，妳同我定啦，講到有得玩，佢一定會出……」「我到拿！」我個現字都未講，阿欣把聲已經殺到。





阿妹好開心咁衝左出去諗住迎接阿欣，「咦？阿嫂呢？點解聽到聲但係無人既？」

「安全達陣！」一下納喊係窗口果邊傳黎，阿欣佢係窗爬左入黎，在場住部人除左我，全部都好驚訝咁望住佢，點解我無驚訝？因為呢Ｄ事我見得多。

「阿嫂！」阿妹見到阿欣就走左過去扶佢，「妳好勁啊。」

「下？做咩無啦啦咁講？」阿欣用好天真既眼神望住我地，然後問：「唔係話開會咩？」

失神既人都回返神，而我就問阿妹：「阿妹，妳今早係未有同阿欣提過我用假撚炸左部車既事？」





阿妹點左點頭，「我無諗過舅父會查，所以口快快講左。」

「唔緊要，咁阿欣有無講比舅父知？」我話。

「無啊。」佢笑得好天真咁答我。

「咁都好Ｄ，而家可以假設舅父未知我地就係佢要搵既果班人，但係佢遲早會查到，舅父出左名查案好勁。」我話。

「舅父咁勁架原來。」阿妹用一個好羨慕既眼神望住我。





「而家唔好講呢Ｄ野住，我地要諗下有咩方法可以避一避。」我話。

就係呢個時候，阿俊唔知邊度拎左支煙出黎，點著左食緊，企得好瀟灑咁話：「我諗，又要著草。」

唔撚係掛，我著草上黎大陸，而家我著草返落香港咩？