[惡搞無極限] 就係咁，我同幾個豬朋上左大陸獵金: ２８６　真真正正既獵金

決定左而家出發，幾他人就返左去自己既房準備。

著草帶上黎既野唔多，而且先前既經歷，其實我而家有既野都無咩，就只係有幾套衫褲，一部電話，少少錢，而及，阿爸留比我既鏈。

望住條鏈，諗係方叔叔既說話，話條鏈係拎到阿爸既野既關鍵。

我望住條鏈，再拎返阿爸封遺書睇，都係一Ｄ頭緒都無，睇黎相知道阿爸既野，點都要搵整五封遺書先得，絕對唔可以一步登天。

準備好晒後，我地幾個係大廳到集合，方叔叔知道我要去搵阿爸既野後，就話要安排Ｄ人保護我地，不過我拒絕左，因為唔知點解，我有一個感覺，只要人一多，就會對搵阿爸Ｄ野多一分危險。





不過方叔叔點都話唔放心，所以比左一張卡我，話只要果個地方有佢Ｄ人，我出示呢張卡既話，所有人就會聽命於我。

講都好似武林匯火令咁，好啦，唯有接受佢呢個好意啦，唔係佢有排煩我。

佢仲安排左架車比我地，而我地決定左係阿倫做司機，點解？因為我唔想比阿妹佢坐係司機位度，唔係我地又會坐一種過山車。

所有野都看似準備就緒，唯獨係一件事未做，就係，舅父仲未到。

我決定左去搵阿爸既野，就算舅父唔去，我都希望話佢知我要去搵，但係等左好耐舅父都係無出現過，佢咁大個人，點解可以無啦啦唔見左人影都有。





不過，佢係當差既，應該唔會有Ｄ咩野事掛。

方叔叔都叫我地唔好等，等佢之後再話比舅父知，所以，我地一行人就上左車，準備呢次真真正正既獵金之旅。