[惡搞無極限] 就係咁，我同幾個豬朋上左大陸獵金: ２９６　電單車與日本刀

武則天佢拎住封信，諗左好耐，如果為左個仔比左封信碇司令，就係不義之人，但係唔比佢，就唔會有適合既骨髓醫阿仔。

兩難既選擇，最後，武則天揀左情，但又可以唔做不義之人既方法。

兩日後，武則天應約出現係碇司令既面前，而碇司令見到武則天後，就話：「我見到妳現在的表情，就知道我會有一個滿意的答案。」

武則天望住冷笑緊既碇司令講：「給你是沒有開題，但要先等我的兒子做完手術後才給你。」

碇司令聽到後，諗左諗後話：「這個問題不大，量妳也做不出甚麼花樣，就算有，也不會敵得過我們。」





武則天得到碇司令既答覆後，個心都定好多，而且，對佢一直盤算住既計話黎講，有碇司令既答應，先可以行以後既計劃。

見完碇司令後，佢帶左一個榴槤去探小男孩，武則天人未到，小男孩只係聞到陣榴槤味，就已經好開心咁話：「一定是媽媽來了。」

「今天很有精神喔。」武則天既慈祥，就只會對住小男孩先表現出來。

「當然，因為有榴槤，雖然我不能吃。」小男孩回答講。

武則天笑左笑，然後話：「今天讓你吃。」





小男孩聽到佢咁講後，好奇咁望住佢問：「真的可以嗎？」

「可以啊。」武則天講完後，就開左個榴槤，小男孩亦都急不及待拎左一舊食。

武則天見到小男孩食得咁開心，自己都覺我好開心，佢都拎左一舊，咬左一啖，榴槤既甘香，以及果種獨特既甜，甜入武則天既心，佢係度諗，可能，呢一次係佢最後一次同小男孩食榴槤。

食完之後，小男孩就對榴槤既餘韻留戀緊，而武則天就同佢講：「你的病有方法可以醫好了。」

小男孩聽到後，雀躍左起黎，「真的嗎！？」





「對，沒錯。」武則天呢一個點頭，係鼓起左好大既勇氣，因為佢個心一直都好過意唔去，為左比封遺書碇司令而過意唔去。

呢一種感覺，一直到小男孩推入手術室既一刻，仲存在。

「你們在這裡等，要確保我兒子安安全全得出來，知道嗎？」武則天吩咐住佢安排左係醫院把守住既人，然後，就行左出醫院，騎上左一直同佢係街道上風馳電制既戰車，佢望住一早掛左係車背後果把同佢出身入死既日本刀，拍一拍褲袋確保封遺書已經袋好後，開行馬力，目的地直指碇司令約左佢既地方。

到達左目的地後，武則天停左車望住四圍既人，然後將目光放晒係碇司令既身上。

「手術順利嗎？」碇司令笑語說，而武則天就答：「我不知道，但你最後保佑我的兒子平安無事。」

碇司令嗤笑了一下，「這些是天意，我可控制不了，廢話小說，遺書，帶來了嗎？」

武則天從口袋入面拎出遺書，亮左比碇司令睇，碇司令好滿意咁笑左出黎，叫左個人去接呢封遺書。

「妳可以走了。」碇司令冷笑咁話，然後準備離開，但就係呢個時候，武則天發動住佢電單車既引擎，然後話：「要我當一個不義的人，我當不了。」佢拎係把日本刀，拔出後碇司令既人開始戒備，「我答應過要給你的遺書，你也找人接了。」佢又再發動一下引擎，「但我現在，就要拿回來。」





武則天驅動住戰車，手中拎住既日本刀係所到之處劃出一道又一道血紅色既道路，接過左遺書既人察覺到武則天去到佢面前果陣已經為時已晚，因為佢雙手已經被武則天斬左落黎。

江湖中既人，都會話，小武只要佢騎住戰車，手執愛刀既時候，就是呢個世代最強悍既女王，所以Ｄ人先會叫佢做武則天。

佢將封遺書從滴血既手中拎出黎，放返入個袋度，望住冷眼望住佢既碇司令，然後講：「要拿這封遺書的話，就先把我的血染上去後才拿吧。」