[惡搞無極限] 就係咁，我同幾個豬朋上左大陸獵金: ３４６　正「正」店

愈係步入呢一個地方，阿欣既殺氣就愈大，因為只要有人稍為接近我，不論男女，阿欣都有一個好兇狠既表情望住佢。

不過今次我都覺得佢咁樣好難得，因為比著係以前，佢應該衝左去唔知邊度玩緊，而家就係我既身邊陪住我，都好既，佢唔四圍走就唔會搞事。

不過，有另一個人四圍走……

就好似勞斯萊斯之前所講，ＭＡＮ姐目光下佢唔可以溝仔，所以而家放監既佢真係肆無忌憚咁見到同性既動物就衝左上去，而果Ｄ男人無抗拒不特止，就同佢擺動身體。

呢個場面，我真係唔想睇囉。





但勞斯萊斯而家咁沉醉，都唔知佢有無用心帶我去搵果個人，但係當行多左一陣，到左一個地方後，勞斯萊斯就企左係一間店既面前，用一種好感動既眼神望住間店話：「我終於可以黎呢度見識一下拿。」

佢既感動，真係感動到喊左出黎。

而係佢身後既我同阿欣，就問佢：「呢度邊度黎架勞斯萊斯？係未就係我地要搵既地方啊？我地要搵既野係入面？」

勞斯萊斯無答我，佢只係擦去佢既眼淚，拉左我同阿欣走左入去，而且仲話：「你地入左黎就知架拿。」

而呢間店個店名好搞笑下，我都唔知要點講比你地知好，因為呢間店既字係由一個「正」字同一個左加相後既「正」字加埋一切，我就叫佢做正正店先啦。