[惡搞無極限] 就係咁，我同幾個豬朋上左大陸獵金: ４００　花木蘭的禮物

真係忍左呢個夢魔好耐，你唔好以為你識得催眠好叻啊，有ｄ野到左某個時晨，係要還架。

我地咁多過落足力打到夢魔雙眼再也張唔開為止先停低，停低後我問佢地：「係呢，你地係點制服佢架？」

「頭先你同阿妹訓左係地上面，我同勞斯萊斯同佢打得好辛苦下架。」阿欣話：「不過當炙我地佔少少上風啦，去到咁上下，阿妹醒左，我地幾驚阿妹係暴走啊，但好彩阿妹唔係，佢見到我地同夢魔打緊未過黎幫手囉，跟住就兩三下手腳就制服左佢。」

阿欣一邊講返我聽，一邊用「快ｄ讚我啦」既眼神望住我，見到佢咁，我緊係識做話：「叻叻，做得好。」

阿欣聽到我咁讚佢，佢不知幾開心。





「咁我地而家有咩野可以做？」我問。

而阿妹就即刻話：「我帶你地走出呢度先，話晒我係度都有一段時間，我記得邊條路係出返去。」

有阿妹呢一句我就放心，而花木蘭呢一刻就同我講：「你仲可以考慮下，做我叫你完成既果三件事，定係比封信你阿妹ｗｏ。」

「緊係比我阿妹啦。」我答，當我傻架，你比佢我仲做咁多野做咩。

只見花木蘭係個袋度拎左封信出黎，「呢一封就係果陣大寶交比我既信，亦姐係你地阿爸既遺書。」





估唔到花木蘭帶住封野係身ｗｏ，唔理咁多，開左先講。