(純愛、洋蔥、懸疑)她從A片走出來(舊名:我女友竟是田中美佐)(更新至結局): Chapter 106

Chapter  106
 
這天下午，我和媽子收到達輝父母的通知，達輝剛剛過身。
 
我和媽子趕到醫院，我瞧到達輝的遺體，不知是否錯覺，我覺到他臉上掛出一個寬慰的笑容，好像死亡對他是一種最好的解脫。
 
羅生安慰傷心的羅太，道：「唔好喊啦！其實醫生一早已經同我地講要有心理準備，達輝會有依一日，係依半年佢一直都好堅強，但無奈結局係咁，我地都要接受。」
 
媽子也安慰羅太，道：「達輝好乖，好叻仔，佢唔想見到我地咁傷心，羅太，妳都係唔好咁傷心。」
 




羅太拭了拭臉上的淚水，點了點頭。
 
我看到媽子，一臉溫柔地看著達輝；究竟在她眼中，她看到的是達輝還是阿俊？
 
離去時，我在電梯大堂赫然碰見了施姑娘，我嚇了一跳，結結巴巴指著對方，道：「妳係人？定係鬼？」
 
施姑娘沒好氣地瞥了我一眼，道：「借開，我有好多嘢做，唔得閒同你玩。」
 
施姑娘竟然沒死？這是什麼一回事？
 




我撥打電話給阿鳳，道：「喂！阿鳳！」
 
「喂！阿帥！咩事啊！我唔係同你講過唔好打電話搵我？有事我自然會搵你咩？」
 
「我有件好重要嘅事想問妳，阿邊個…仆街一時醒唔起嗰位叫咩名，啊總之係同妳爆房嗰條二打六奀星，佢依家點啊？」
 
「吓？咩…咩爆房啊…我無喎…」
 
此時，一把男星從電話彼端響起，道：「毒撚，乜撚野二打六，我個名叫萎停，我就快彈起，第時成個亞太區都識得我，依家拍緊套大製作擔正，叫紮炮，記住入場買飛啊！」
 




「哈哈，你條仆街無死就太好喇！係咁啦，萎長。」
 
「係萎停，陽萎個萎，停止個…」
 
對方還未說完，我便匆匆掛線。
 
我重撚了希望，施姑娘、萎停也沒有死，那麼那名貌似八兩金的妓女應該也沒有死，只要我找到成件事起源的那隻光碟，幻之第六作，那麼說不定田中會再次回到我身邊。
 
我找到了那間名人四仔鋪，但我找遍了整間店子也找不到那隻幻之第六作，於是我詢問那位女版八兩金：「嗰隻田中美佐嘅幻之第六作呢？」
 
「咩田中美佐？咩幻之第六作？你講咩啊？哥哥仔！」
 
「我係話封面得張白紙，寫住『中出，田中美佐』嗰一隻。」
 
「吓！無見過喎！你講嗰位田中美佐，我聽都未聽過。嗱，不如我介紹啲好嘢畀你啦！波多野結衣，有暗黑林志玲之稱；吓！唔啱啊！友田彩也香啱喇啩，同高登女神淫Ｋ成個餅印一樣；喂，唔好走啊！我仲有好嘢介紹…」




 
我懷著失望，離開了四仔鋪，我雙手抓緊著欄杆，垂著頭喃喃道：「點解會咁架？同我諗嘅完全唔一樣，唔係所有嘢都重新開始咩？田中…」
 
就在此時，一樣熟悉的東西映入我的眼眸，那是一條紫水晶手鏈，我抬起頭與紫水晶手鏈的主人打了一個照面。
 
「係你！」我與那人異口同聲喊道。




以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝
https://www.facebook.com/vc907907?ref=hl