[突發][唔係蛋黃哥]大撚鑊_我一起身發現變左做粒蛋黃: （五）
「起身呀！起身呀！快D黎救我地呀！」我不斷聽到微弱的求救聲。
「屌，咪撚嘈啦！」我被這些聲音吵得醒了過來，但發現自己仍在床上躺上，四周根本沒有任何人。
當找站起來時，發現自己的身體，又出現了一些白色一點點的硬塊！
這次除了右臂外，連左臂都出現了，而且比之前更加多！
「哇，搞咩呀？又有呢D白色野？我唔係有咩病呀？」我馬上撥走身上的白灰，疑惑地想著。
「唉，沖涼！」我邊拍走身上的白色灰，邊進入浴室。
洗好澡好，我又來到茶記吃飯！
你問我為甚麼又來茶記？很正常吧，我也是土生土長的香港人啊！
香港根本就是一個複製人都市吧？
從小到大，也是培養我們要聽教聽話！
培養我們成為工作的奴隸，要求我們腳踏實地做人！
把自己的一生都奉獻在工作上，這才是真香港人嘛，搵食至上！
最近的甚麼立法會風波，我根本一點都不白，但我知道，身為中國人，怎可說出如此大逆不道的說話！
應該判死刑吧！
（#曲線要講明 #我唔想被人起底 #起底只會俾人知我係毒撚）
對不起，有點離題了！
所以說，我每天重複著做同一件事，吃同一間茶記，吃同款火腩飯，是再正常不過的吧！
「坤叔！豆腐……」我還沒有說完，坤叔已經跟我搭話。
「豆腐火腩加青島，小明，咁早呀又？」坤叔熟練的替我下單。
「無呀！唔知點解，間房個冷氣鬼咁凍，成日都訓訓下凍醒左！仲有，呢排唔知做乜鬼，一起身就見到身上面痴住D白色嘅殼定灰咁！唔知係咪有咩皮膚病！」我邊說邊摸了摸自己的手臂，感覺好像在哪裏會生出那些小白點似的。
「火腩飯加青島，到！呢D天氣唔駛開冷氣啦，開窗訓其實都幾舒服架，返去試下啦！」坤叔說。
我邊吃送上來的火腩飯，邊喝著青島！
不知道為甚麼，感覺上，今天的火腩飯好像很淡似的！
「坤叔，今日D火腩飯咁淡嘅？係咪無落鹽呀？」我問。
「吓？唔會卦！喂，阿才！火腩飯有無調味呀？」坤叔。
「痴撚線，我係度做左十幾年！樣樣野食，我調嘅味可以話係每日都一樣！細路你係咪玩野呀！」廚房裏的才叔探出頭來，身材肥伴的他，正目露凶光的看著我！
「哇，屌！今日D火腩飯咁撚咸嘅！老細，點搞架，係咪想我洗腎呀！」一名紋身漢說。
「呀，係咩，等我試下先！阿才，拎D火腩飯汁俾我試下！哇，屌你，咁撚咸嘅！快撚D入去煮過！哥仔唔好意思呀，不如食其他野，燒肉飯呀，呢期燒肉正呀！我請！」老闆說。
「唉，屌，是撚旦啦！咪撚再咁咸呀！」紋身漢說。
我看著他們，再看著我這碟火腩飯，感到說不出的奇怪。
「喂，小明！人地話好咸喎，等我試下！哇，屌你！咸過咸鴨蛋！小明你無野呀，咁都覺得淡，係咪真係唔舒服呀？」坤叔問。
「吓？唔係卦？我又唔係好覺喎！唉，算啦，埋單！」我真的感到有點奇怪，我沒有把飯都吃完便離開了茶餐廳！
「死啦，唔係有咩病呀？屌，呢支可樂咁淡嘅！」離開了茶餐聽後，我買了支可樂，一是天氣太熱，需要靠這東西解渴，二是想證實一下自己的味蕾仍然良好，可惜事與願違！
不知不覺間，我又來到便利店了！
「小明，搞咩呀你？無黎精神咁！」阿祥跟我說。
「唉，我都唔知呀！呢兩日訓得唔好，一起身對手臂就好多白色點點！食野又口淡淡咁！都唔知係咪有咩病！但我個人又行得走得，睇醫生都唔知睇咩科好！」我垂頭喪氣的道。
「唔係呀？不過我睇你個樣，似撞邪多過有病喎！面紅紅但係咁大個眼袋，又死氣沉沉咁，你唔係見到D咩呀？」阿祥說。
「吓？唔係卦？唔通我之前見果D唔係幻覺？」我小聲的說。
「喂，你掂唔掂呀？唔掂唔好死頂喎，休息一日啦！」阿祥說。
「唉，唔好啦，間房唔知做乜鬼咁凍！又成日聽到D怪聲，我都係少D留係房好！」我說。
「怪聲？小明，你估會唔會，係有……果味野呀？」阿祥驚說。
「邊……邊……邊味野呀？我屋企乜都無，廿四味就有，你要唔要呀，請你飲啦！」剛才為了測試自己的味蕾，我在附近買了支廿四味，發現還是淡淡的！
「痴線，我都話我唔搞基，咪駛旨意要我飲你口水尾！不過，講真架，你真係check下好，呢排深水埗真係好邪，好多人失踪！」阿祥說。
「吓？失踪，你又知？新聞無賣喎！」我奇道。
「你有無上高登架？爆左三個Post啦喎！」阿祥說。
「你唔係講果個咩真人真事，消失的友人呀？唔係膠Post咩？咁大單野會無上新聞？」我說。
「我原本都以為膠架，點知愈黎愈多人留言！同埋你問點解無上報紙，簡單講，失踪果D大部份都係無親無故，而有屋企人果D，聽講係全家一齊失踪！所以咪無人報警無上新聞囉！」阿祥說。
「唔係喎，高登咁多人，又有膠人又有神人，總有人警已報卦？」我說。
「呢層又係喎，不過有D話警已報嘅巴打，好似無再留言，可能係潛左水！」阿祥說。
「咁大鑊？喂，咪住，你有無留意到，有一個叫做王馬門嘅人，係個Post度留言降溫架？」我說。
「好似又真係有喎！呀，我記得啦，條真心膠係度話無可能無理由，之前俾人圍屌派膠！但佢又真係奇怪喎，完全唔理之餘，仲繼續我行我素，成個689咁，自己講自己笑，硬膠膠！之後D巴絲們由瘋狂屌佢，變成無人理佢！但佢仍然不斷留言，佢應該都會係每月之星架啦！」阿祥說。
我已不想理會他甚麼每月之星了，我只感到事情好像很不簡單！
「阿祥，個Post有無講D人住係邊架？或者經邊間地產公司架？」我問
「全部深水埗架！不過你話邊幢樓呀，邊間公司就無講啦！你唔係覺得你自己住果度，同呢單野有關呀？」阿祥憂心的問。
「我唔知呀，不過......唉，講你都未必信！」我說。
「屌你，講呢D！唔信你都可以講嘅者，我唔會拉你去精神病院架喎！」阿祥說。
「是咁的！其實呢兩晚，我都見到D奇怪野......」我把這兩晚見到的奇怪東西，全都告訴阿祥。
「哇，屌你，真係好難令人相信喎！仆你個街，雞蛋與公事包！作都唔好作得咁離譜呀！不過......我信你！」阿祥說。
「吓？我無聽錯呀？你信我？咁撚離譜嘅事你諗都唔諗就信？」我說。
「屌你，作為你朋友，作為一個巴打，有咩接受唔到先得架！得閒你上多D高登講故台啦，大撚把痴線過你嘅故仔呀！」阿祥說。
「你信我就好啦，咁你有無咩建議呀？」我像看到一絲曙光，希望阿祥能拯救我。
「無！」阿祥說。
「吓？」我沒有聽錯吧？
「做咩者，我又唔係偵探又唔係咩捉鬼大師，可以點俾意見你者！」阿祥說。
「哇，你個人咁無義氣嘅１我有事第一個返黎搵你！」我說。
「喂，無計架！我打工架Ja，我最多建議你追返晒D Post，睇下有無D巴絲打有差唔多遭遇，搵佢地幫手囉！高登咁多能人異士，話唔定有人可以搞掂呢單野呢！」阿祥說。
「屌你，咁者係無建議啦，仆你個街！」我說。
「你屌我都無用架，不如你查下你間屋有無咩古怪好過啦！呢區實有D老屎忽知道咩事！你再屌我，我都係幫你唔到架嘛！同埋，我唔搞基架，咪成日幻想屌我啦！」阿祥邊說邊用雙手掩著屁股。
「你條仆街，鬼唔望你俾鬼搞屎眼！」我說，然後便開始瀏覽著高登吹水台！
希望只是我大驚小怪吧！