【愛情小品】【已完結】 《Chapter C》番外篇．最終回: 「約定了，就不要放手。 」

「約定了，就不要放手。」

二零一三年，冬。

我在欣賞著天空時，她突然伸出尾指，我一臉疑惑，

「你想做咩? 」

「我想你對我作一個小小嘅承諾…就係做我一世嘅朋友..」





「一定得。」

「你答得咁快，我唔信你係真心。你以好似結婚誓詞咁啦！」

「我在天空、太陽面前，我陶永諾願意做你裘月玦的一世嘅朋友。從今以後，當你喜樂，我和你分享，當你憂傷，我和你分擔，在你健康或病痛時支持你，與你在友情中共同成長，終生對你忠誠，直到永永遠遠。」

「唔錯！唔錯！」

「我就當你應承啦！」





「可以啊！我地勾手指尾作承諾的印記。」

我的尾指和她的尾指交疊一起，緊緊地交疊著。

「其實我同你嘅人生由誕生前便交疊在一起，咁好唸住想拋開我！」

「話時話妳有冇Ｄ附加條約㗎。」

「有㗎！有㗎！要畀我三個不能拒絕卷！」





「不能拒絕卷？」

「即係我有三個可以任意命令你嘅機會。」

「咁唔公平㗎！」


「畀返三個嚟又點話？」

她躊躇了一會兒，

「可以啊！」

「真係咪做咩都得架？」





她點點頭，

「咀落我塊面得唔得？」

她想也沒想便吻下來，

我的心本是噗通噗通地跳動，在她吻下來的那一秒，我的心跳停止，

四周的空氣靜止了，我的思考也被中斷了，我被嚇得呆住了。

「一張卷用咗啦！你剩返兩張啦！」

「…」

臉上還她的吻的餘溫，是心動的溫度，不冷也不熱，就是剛剛好。





二零一四年，夏。

啊証中止我的故事，

「跟住嘅我地都知啦！你問我地你應該點做，我地答你難得你揾到目標，就去馬啦！」

「係咩？我有同你地講咩？」

坐在我側邊的李子淳也加入討論，

「你返學個日見到啊月轉校過黎，個驚嚇樣我仲記得好清楚！」


二零一三年，冬。





今天是聖誕假後回學校的第一天，

我一回到班房，便為假期功課努力中，沒空理會其他事情。

班主任的腳步聲漸近了，糟糕了我還有中史功課未來得及做完。

算了！我把功課放在抽屜，免得被邪惡的班主任收走。

陳主任打開門進來了，我則是在看看在窗外的「風景」。

「今日我地有兩位插班生，分別係……」

有新插班生啊！不過不需要理會啊！反正我也不可能認識他們。





「係裘月玦同巫忘零，自我介紹下畀D同學認識你地！」

我，我，不知道還能說甚麼！

看來我和她是命中注定要和她不停地相遇！

「我係裘月玦，大家叫我阿月得架啦，啱啱係外國回流番香港，如果廣東話講得唔好見怪啦！」

我保持目定口呆的樣子，愕視著她。

「我係巫忘零，叫我Chloe就得，我係由離島一間中學調過嚟…. 」

糟透了！「巫婆」也來到我們的學校。

沒了，沒了！小時侯做的傻事．肯定會被她們二人傳開去。

「兩位新同學坐係邊好…. 裘月玦你坐陶永諾隔離，巫忘零坐係毒孤証隔離，就咁話啦，唔準有任何欺凌佢地啊～好啦準備下一堂書….」

她走到的座位旁，細力地拉開椅子，「我地又見面啦！」

「唔！係啊，我地又見面。」

陽光從窗外射進來，剛好照在我們身上，我們再一次重遇。

二零一四年，夏。

「咁我點估到佢咁啱轉黎我地間學校姐….. 」

錢成功點點頭，

「咁又係，不過都證明到你同佢到好有緣份......」

不過這一切只是我和她故事的開端，更有趣的還在後面。

李子淳掩著口笑著，

「有緣又點，我仲記得你為咗呢個女人連做人嘅尊嚴都冇！」

「有冇咁誇張啊！」

他說的其實並沒有任何誇大的成份，我現在回想起發現原來自己很傻，

原來我可以為了她變得傻，

傻得不像自己似的，

幸好，我也快忘記了我傻的原因。 //待續