<< 那年初夏，我們在微信釣的狗公 >> 再釣一次?: Part 28 第三章 – 女皇的教室

Part 28 第三章 – 女皇的教室


「今日既流程好簡單，首先就係要由基礎講起，何謂『厹』，下午正式對厹戰術既訓練。請放心，上午同下午時段會放你地半個小時lunch。」

Kate以地獄教官既語調為狩獵講座揭開序幕。



「╰(〒皿〒)╯唔係掛！我以為星期日唔洗上堂聽書姐…點知變左係WeChat上面聽書！」





嗯... 從Melody有意無意間透露既哀嚎黎睇，原來佢同我一樣，仲係個學生…以我一直觀察佢既行為而推斷…現實極可能係一個中學生。



「基礎？我對『厹』依種生物可謂了如指掌，唔好浪費時間啦，直接進入下午既訓練！」 Monico和平時不太一樣，好似受到Kate既言語所刺激一樣燥動。



但是除了他們的反抗，其他團友看似默默接眼前既事實…







也對，畢竟我們也很明白，現在的情況就如平反六四一樣，我們能做的就只有靜靜的安坐在維多利亞公園中，任憑我們如何吶喊至聲嘶力竭，「政府」都只會報以「意見接受態度照舊」既拉布戰術…



隨著時間的流逝，原本大吵大鬧既Melody同Monico好似已經明白到與其阻止Kate如AK-47連射般發言，倒不如等kate快Ｄ講完好過…







其實Kate所謂既基礎講座真係…非常基礎。

可能現實同樣作為男性的關係，不難理解Kate對厹的定義同心理描寫。



何謂『厹』？



淺白而言就係以不良動機為大前提下主動去認識女性。







可能你會質疑「何為不良動機?」又或有「吊！咁成世唔駛識女仔啦」既疑惑，但係Kate對依種睇法似乎都有自己獨特既見解...