【小喬初嫁了】初戀女友結婚前的一場鴻門宴: 第三章

飯聚的當天，我帶了三樣阿明為我準備的東西。 


1. 一件紅色西裝（他說紅色夠殺氣），還蠟了一個九十年代黎明的髮型。 


2. 耳中戴著阿明給我的藍芽耳機，必要時他會教我如何回答。 


3.一個女朋友（出租）（$1000/hrs）樣子75分，身材91分。 






當我們趕到餐廳時是八點十五分，幸好我的手錶一向調快十五分鐘，所以我不算遲到。 


站在門口外，我忽然有點胡思亂想。 


幾年沒有見面。 






不知她變成怎樣。 


在她的眼中，我又是否變了很多。 


她的男朋友又不知道是怎樣，是不是有什麼企圖。 






「先生？」 


「先生？」 


「呃？」 


原來不知不覺裡，我站在門口前恍神了。 


「兩位？」 






「有位架啦，唔該。」 


「對唔住，佢新嚟。」 


甫踏進餐廳，我已經從茫茫人海之中認出她的背影。


走近到餐桌的時候，心呯呯地急跳，大概是因為我剛跑過來的關係。 


「Sorry呀要你地等添。」我笑說，我相信我這個笑容一定僵硬萬分。 






「阿鹿，好耐無見啦。」 


她開口了。 


這麼多年不見，我很驚訝她的笑容依然甜蜜，仍舊清純亮麗，硬要說不同的話，應該是多一份女人味。 


突然間，有種矛盾的感覺，熟悉與陌生混在一起的感覺。 


她親暱地撓著她的未婚夫。 






奇怪的感覺。 


「我同你介紹呀，我未婚夫。」 


她的夫婚夫身材高挑健碩，古銅色的膚色，短髮清爽，單眼皮。 


他馬上站起來，伸手作握手狀：「你好，我叫Terry。」 


「Hello，恭喜哂你地。」握手時也能感受到他的孔武有力。 






他們把目光轉向我身邊的『女朋友』。


「哩個係我女朋友，Meli......Me......」 


「Melissa.」幸好她懂馬上補說。 


（你係咪想死呀，女朋友名都唔記得！）耳機中傳來阿明的罵聲，差點就把我震聾。 


「Hi, Melissa，坐呀。」 


我們一同坐下後，氣氛有點緊張。 


這是一間充滿童話色彩的餐廳，裡面的裝潢有濃烈迪士尼樂園的色彩，讓人就像置身樂園一樣。 


難怪吸引到那麼多女性到來棒場。 


「你肚唔肚餓，叫野食先啦不如。」他遞給我一張餐牌。 


連餐牌也是以可愛的女生食物為主。 


「Melissa好有氣質，阿鹿你哋識咗幾耐架？」 


「三年左右啦。」 


「幾時結婚呀？」 


「我地都係想享受下二人世界先。」『女朋友』說，看來一千元一小時是物超所值。 


「係呢，阿鹿。唔知你做緊咩架呢？」Terry問。


（哩條看似簡單，其實一野就可以斷你生死。因為判斷男人成唔成功，最好由佢嘅職業出發，如果佢知你低佢好多level，一定會追問到你想死。）阿明又在耳機中傳來聲音。 


「無呀我做緊一啲小生意啫，你呢？」我說。 


「無，我做緊ibank咁啫.....咦，小生意，咁即係老闆？」他臉露笑容說，手有意無意地摸著勞字牌名貴手錶。 


「唔可以叫老闆，只係好細嘅生意，仲靠自己努力咁發展緊。」我回答。 


「嘩做老細啦啵，恭喜你呀。」她笑說。 


雖然只有一瞬間，但我還是留到Terry的表情閃過一絲的不快，可是馬上回復正常。 


「阿鹿，介唔介意講下係咩生意？」 


（I.T.生意啦，畀人感覺幾專業。） 


「都係I.T.生意咁啫。」 


他說：「I.T.都幾好，夠哂有發展潛景。」 


「都可以咁講嘅。」


「咁......一個月搵幾錢架？」 


（哩題唔好答，話唔夠佢多就算。） 


「每個月都唔定，好難講。不過都勉強夠自己生活。點都唔夠你多。」 


「咁又唔好咁講，老闆可以自主返工嘛，哈哈。」皮笑肉不笑的笑容。 


「點會，小老闆先做到狗咁。」 


此時，Terry語氣忽然溫柔萬倍的對她說：「妳會唔會好像凍呀，不如我同妳轉位？」 


她搖搖頭微笑說：「唔會呀。」 


「凍呀，妳嬲住。」他脫下自己的西裝外套，親自披在她身上，她微微一笑以回應。 


胃有點翻滾的感覺。 


（嘩，睇嚟佢都幾識玩，知道言語打唔低你就出哩招，絕呀。） 


「妳睇妳，食到成嘴都係。」他拿餐巾幫她擦嘴。 


胸口有種鬱悶的感覺，直湧上喉嚨。 


（喂阿鹿，我畀條女你做咩架，你都曬下恩愛先啦。） 


「阿鹿，點解你個樣好似唔舒服咁嘅？」她問。 


「你無事嗎？」『女朋友』也關心道。 


「無.......Sorry，我想去一去廁所先。」


甫踏進男廁，我已經禁不住往洗手盆嘔吐，連清潔的大叔也被我嚇呆。 


辛辛苦苦亂嘔一通後，我擦一擦嘴。 


洗了個臉，冷靜一下自己。 


喂，不要丟人臉呀。 


人家幸福你應該高興才是，那麼大反應幹麼？ 


（你無野嘛？） 


「無，繼續啦。」 


（我諗過，打回憶牌係最好，殺佢措手不及。） 


「好......」我本能地回應，其實已經沒在意阿明說什麼。 


深呼吸一下後，我又回到座位去。 


「阿鹿，你無事嘛？」Terry的座位懸空了。 


「無呀，可能啲野唔岩食。」 


「Terry呢？」 


「佢話公司有事搵佢，行開咗聽電話。」


「喔......」 


「Sorry呀，你係咪唔鍾意Terry係度。」 


「唔係呀，佢睇落真係一個荀盤，妳揀得幾好啵。」 


「你都揀咗個好女朋友呀。」她瞥著我的女朋友笑說。 


我跟『女朋友』面面相覷，只得一下尷尬的笑。 


「如果你唔想佢係度，我都可以同佢講呀。」她再提議。 


「唔洗，真係唔洗。」我續說：「係呢，妳又話有野畀我嘅？」 


「哈，係呀。」她拿出一個啡色的紙袋，正伸手遞給我時卻忽然縮回去。 


「做咩？又唔想畀？」 


她說：「畀你前要考一考你，記唔記得我地係點識？」 


「我記憶力好好架啵。」 


「好鬼，咁耐以嚟，我生日有邊次你記得準時係十二點同我講生日快樂？」 


「我其實每一次都記得架。」 


「係鬼，你記得就講咗啦。」


「因為我想做最後一個同你講生日快樂嘅人。」 


「點解要咁？」她失笑。 


「嗰時好白痴咁諗，無論前面有幾多人畀過祝福妳，我都會做最後一個。」 


她沒有再說話，氣氛顯得有點尷尬，我脫下阿明的耳機，繼續說：「妳真係考唔到我，我係好記得我地嘅認識好奇怪。」 


那是最純真和無憂無慮的時代。 








青春是生命的春天。