[年齡無界限] 就係咁，我最近出席好多喪禮: ３　我的家

坦白講，我都算曾經有一個美滿嘅家庭，我經歷過兩段婚姻，第一段係假結婚，而第二段就一直到而家。可以話第二段先可以令我感受到有家庭溫暖係幾咁好。

但係呢一段美滿，都由果件事發生之後改變晒。

第一任個老婆佢都講到明係為左落嚟香港所以先假結婚，都無咩感情可言，但點解佢肯幫我生仔？無它嘅，呢個係假結婚嘅條件。

所以我除左見阿仔時會見到佢之外，同佢都無咩交集，除左佢有時會問我拎錢。

我有一個仔同一個女，個仔就係我同假結婚果個女人生嘅，而個女係我老婆同佢前夫生嘅。我可以好直接咁講，我係一個重男輕女嘅人，所以我一向同個女嘅關係都唔係幾好，而且又因為佢唔係我親生嘅關係，所以我唔係幾想同佢講野，只不過佢一直而嚟都好遷就我。





到左我呢個年紀，發覺陪得我最多嘅人除左我老婆之外，就係佢，佢成日都會忍我嘅臭脾氣，所以我都覺得自己一直欠左佢。

至於個仔，可能比佢阿媽寵慣，所以佢而家咁大個人都經唔係考驗，下下都要人幫佢執手尾，大事就無佢份，小事都搞唔店，所以我只望佢會生生性性咁做人已經好好。