黃鼠狼特務II 赤地(搬家原故,本站停止更新): 章六:治樹鳥(上)

​「我係霜寒.今日,我要撥亂反正.」


                                       -------------------黃鼠狼特務II 赤地------------------------

                                    -----------------------章六:治樹鳥(上)-------------------------


「我係霜寒.今日,我要撥亂反正.」 顏影寒的聲音傳遍每個角落,一字一句十分清晰.大電視前的民眾開始擾攘起來,無不是討論通緝犯的霜寒為何會出現在大螢幕前.
「首先我要為自己澄清一下,我唔係連環殺人犯.件事係政府造成嘅假象,當我發現政府嘅陰謀之後,佢地將我捉入集中營;而家,我要話俾你地所有人知,集中營係個點樣嘅地方.」顏影寒聲線低沉,不安的情緒開始在人群中醞釀.




「佢究竟知唔知自己做緊乜....」區可頤從唇間擠出一句話.
「呢D係佢地俾我嘅.」顏影寒脫去上衣,展示身上種種傷痕:「嗰個地方只有黑暗,絕望.第一日,我腦入面只有一件事,一定要盡快逃出去救我嘅同伴,馮佩妮.....佢原本喺外國過住新生活,偏偏紅槍客就知道佢嘅位置,派人暗殺佢.」
「第二日,佢地話,曾經係我同伴嘅黑曜死左.我好大打擊,想救人嘅慾望更加大....第三日,我痛到失去知覺,扒喺牆邊....」

   加護病房,電視播放著顏影寒的講話,雖然沒有抬頭望,馮佩妮還是聽在耳內,聲音一清二楚.

「第四日,我親眼睇住佢地抬住一件件屍體,應該係俾人錯手打死嘅政治犯.然後我諗,我可能有同樣下場.開始有死嘅覺悟.」顏影寒倒吸一口氣,沉吟片刻,收拾好心情才繼續説:「由集中營跑出嚟之後,我就收到馮佩妮出事嘅消息,收留佢嘅一對夫婦死左.」
「我見證過太多嘅犠牲,我嘅良心話俾我知,唔能夠再忍落去,唔能夠再坐以待斃!各位香港市民係時候覺醒,向腐朽嘅政權反擊!」
     畫面上的人從顏影寒切換成鳥嘴面具人:「一小時之前,Woodpecker已經入侵所有政府網站,洩露超過十個官員嘅個人資料.記住,呢個只係開始,戰爭嘅開始.」片末以一段電磁脈衝波爆發的動畫片段作結,畫面中央慢慢展現字幕''Woodpecker''.





-----------------------------------------------------------------------------------------------------------------------------------------
    翌日,烏有國度本部''來世''
藍曉玲和區可頤站在甲板,迎接一部隱形戰鬥機,從機上走下來的,是齊家尚.
「歡迎嚟到''來世''~」區可頤搶先跟他說.
​「嗯....俾人搶走開場白嘅感覺唔係咁好受~」藍曉玲打趣道.齊家尚則是被眼前的風景吸引眼球:​「我仲以為自己嚟左渡假島.」
​    轉眼間,他們幾個已經在信息中心,顯示屏上的是洪又達的信用卡購物紀錄.
   勇仔解說:​「洪又達喺琴晚Woodpecker直播嘅一個小時之後,就買左四日後往烏克蘭嘅機票.好明顯有景滾.」
​「俾顏影寒講嘅嘢嚇怕左?」區可頤道:「越係咁,我越想知道Woodpecker究竟同奮銳黨計劃D咩.」
​    藍曉玲把目光移向齊家尚:「你真係唔知佢地計劃D乜?」
​「我只係個僱傭兵,組織內部嘅事我冇資格知.」齊家尚說:​「除非接觸到鳥嘴人.」




​「原來嗰個戴鳥嘴面具嘅人個名堂,就係叫鳥嘴人.....」勇仔聽到這個名堂有點失望:​「仲以為係D咩好型嘅名....超...」
​「你有辦法接觸鳥嘴人?」
​「平時我都係自己一個人接job,都係用網絡同Woodpecker聯繫多.不過要搵鳥嘴人,我知道有個地方.」齊家尚走到電腦前,輸入一個地址.
「事不宜遲,你依家狀態可以嘛?」藍曉玲問.
「我隨時可以出發.」
「呢個係竊聽器,你放喺身上.」勇仔把竊聽器交到齊家尚手上:「我地會準備一team人喺附近stand by,鳥嘴人一現身,就捉個正著.」

-------------------------------------------------------------------------------------------------------------------------------------------
   壁屋監獄
 洪再明被懲教人員帶到接見室的一張椅子坐下,玻璃窗前的是他的兄長,洪又達.
「​細佬,我諗丫哥要退出計劃喇....」洪又達用食指指向上:​「嗰D人...我地惹唔起㗎.....」
​「哥,革命唔係一朝一夕嘅事,由創立奮銳黨開始,我地就做好心理準備㗎啦!唔係咩?更何況有Woodpecker撐腰,我地一定會成功!」
​「聽我講,插手政治唔會有好下場!對唔住呀細佬,我地真係唔可以再同Woodpecker合作喇....」
    洪再明嘆一口氣,樣子不知所措.
​「我寧願你繼續留喺度,出面太危險喇...俾上面發現嘅話,到時你住嘅就唔係監獄咁簡單.」




​「睇嚟我呢一年錯過左好多嘢.」
​「今時唔同往日....我已經訂好機票,要移民外國.」
​「哥,自己小心.」
​「你都要小心,我怕佢地會對付你.」
「嗯.....」
  
   跟兄長見完面後,洪再明被帶到監獄設置的洗衣工場,開展今日的工作,在操作乾衣機的秦世樂瞟他一眼,找到適當時機才走到他旁邊.
「喂!做乜嘢呀??」懲教人員看到便罵.
「我嗰邊都搞掂哂,想嚟幫其他人~」秦世樂這樣說,懲教人員也找不到理由趕走他.
   洪再明朝秦世樂瞧一眼,再回到工作上.
「洪再明,二十四歲.2016年因為特區反恐法俾人捉嚟呢度.」秦世樂隔著口罩說.只要聲量不大的話,不會有其他人留意到.
「你估下我點解走嚟搵你?」秦世樂又說.只見洪再明呼吸緊張,一臉懊惱的碎碎念:「唔好捉我出去...求你...求你...」又躲到一旁.
「捉你出去?咩意思...?」
「你係Woodpecker派嚟捉我出去嘅....走開...」
「咩話??」




「唔好唔認!依家我丫哥要退出計劃,你地一定會對付我...」洪再明渾身顫抖.
「咪同我挽嘢,話我知,你所講嘅計劃係乜嘢??」秦世樂踏前一步迫問,卻把洪再明嚇到倒地.
「求你....求你....」
「件事可能關乎到全香港,唔該你話我知係乜嚟嘅.」
「啊呀!!!呀呀呀!!!」洪再明拾起使用中的電熨斗,把燙熱的底部那面朝自己的臉揮去:「啊啊呀呀!!!!」
「喂!喂!做乜撚嘢呀!!」秦世樂趕緊把他手上的電熨斗躲到一邊.
​「係佢!!係佢!!!」洪再明指向秦世樂,懲教人員立即趕至,幾個合力把秦世樂制服——————————
      洪再明見秦世樂被越帶越遠,鬆了一大口氣.

-----------------------------------------------------------------------------------------------------------------------------------------------------
     「咚咚」齊家尚敲了幾次門,也沒有回應.
「不如開門俾我?」他抱怨道,裡面的人辨識到他後,門很快被打開.
    開門的青年瞟齊家尚一眼,確認沒有其他人後,才讓他進來,示出''請''的手勢要他卸下背著的弓箭.
「細路.....呢度唔係你嚟嘅地方喎.」破爛的沙發上坐著幾個吹煙圈的中年男人,原本已經狹小的空間再加上煙霧彌漫,這就是齊家尚不愛這裡的原因.
    齊家尚被煙嗆到亁咳兩聲,說:「我要見鳥嘴人.」




「你只係僱傭兵嚟咋~憑乜嘢見鳥嘴人呀?返去啦~」
「我要見鳥嘴人.」齊家尚重複.
「返去啦!咪話我唔教精你,做人要有自知之明!」
     青年拍拍齊家尚的肩膀,勸他離開.齊家尚則是無視任何人,直接穿過透明膠簾.還未來得及阻撓,他已經步到一個四面牆充滿監控畫面的空間,沙發椅坐了一個人,而從齊家尚的角度,他只能看到那人的後腦勾.
「我知道組織最近同奮銳黨有合作關係,係唔係.」齊家尚開門見山.
「應該係核心成員先至知嘅事....點解你個僱傭兵會知.」
「我雖然只係僱傭兵,但係我唔蠢.無論組織計劃緊乜嘢,我都希望參與.」
    那人的頭微微向外側,一副感興趣的樣子:「你就係嗰個傳聞中嘅弓箭手,哈哈.....竟然走嚟呢度.」
「咁你應該知道我同出面嗰班遊手好閒嘅老屎忽係唔同層次,我先係真正幫到組織嘅選擇.」
「好.」那人從沙發椅站起來,轉身迎向齊家尚.齊家尚怎麼也沒有想過,一直跟他說話的是顏影寒——————————

-------------------------------------------------------------------------------------------------------------------------------------
   加護病房裡的電視新聞還在播放政府各官員針對顏影寒的言論所作的譴責.工作人員托著餐盤走進,把餐盤放在馮佩妮前面的小茶几上,為她整理刀叉擺放的位置.感覺不對勁的他眼角偷瞄那雙空洞的眼睛,總覺得氣氛越來越壓抑.
「食...食得飯喇.」
「俾我出去.」馮佩妮輕聲道.




「你身體仲未好返,應該留...留喺度休養下....」
    馮佩妮緩緩伸手摸到餐盤上的刀子,再盯住工作人員看.工作人員吞下口水,故作鎮定,身體靠近牆邊.馮佩妮持住刀子指住他,另一只手拿走他的工作證,用其開啟房門.
找到一個充滿電子設備的地方.

「顏影寒??」
「好耐冇見喇,齊家尚.」顏影寒露出意味深長的笑:「鳥嘴人將Woodpecker嘅控制權分配俾我,我依家擁有同等嘅權力.齊家尚,我知烏有國度派你嚟刺探情報.無謂喺我面前做戲.」,他隨手便指出齊家尚身上竊聽器的位置.
「咁點解仲唔殺左我?」齊家尚道.
「如果我係你,我會把握機會終結一切.呢個唔係你一直嘅願景咩?大大聲話俾所有企圖掌控世界嘅權貴知道,自己嘅地方自己管!」
「你地要發動政變?咪發夢啦,Woodpecker係駭客,唔係武裝分子.......」齊家尚越來越感到不對勁,腦中想到的只有一個組織:「烏有國度.....」
「呢個時候,佢地應該已經做緊嘢.」顏影寒說話的此時此刻,烏有國度基地''來世''的保安系統正遭受入侵,到處亮起紅燈,藍曉玲指派特務分別從不同入口趕至受入侵的倉庫,誰料一台配備格林機關槍的特勤車被自行啟動攻擊程序,往特務們掃射.同時數十台的裝甲運兵車啟動,以車身封住倉庫所有出入口.

「玲姐!出入口俾佢地封哂,我地入唔到去呀!!」
「偵測到有九架快艇接近島嶼!!」
「有十六架載具俾人hack!!」
     一時接收太多訊息的藍曉玲思緒開始混亂,這時候她不得不保持冷靜,作出新的指令,派遣二十個特務到基地外趕走入侵者.

「你地打算搶劫烏有國度......」
「唔係搶,係借.」顏影寒説.此時倉庫閘門被解除,從快艇而來的青年紛紛衝向倉庫,與烏有國度的特務展開衝突.馮佩妮出現,躍起踢擊把兩個特務擊飛,再打倒其他特務.青年趁機衝進倉庫,把眼見的槍械搶掠並丟到運兵車上.
「玲姐!睇下!」藍曉玲沿勇仔指住的方向望,屏幕顯示一台碳纖黑色戰略運輸機的機艙艙門被自動開啟.
「勇仔,你帶B team落去阻止佢地.其他人,我地要奪回運輸機嘅控制權!」藍曉玲命令下,後勤人員馬上操作電腦,跟Woodpecker爭奪運輸機的控制權,然而所有電腦突然停止運作,畫面漆黑.
「而家唯有指望勇仔佢地.」藍曉玲抱手胸前,眼球定定看著屏幕畫面.
       勇仔帶領一隊人趕至甲板,此時最後一台裝甲運兵車也駛進機艙,機艙門開始關閉.
「我地放棄啦,追唔到㗎喇.....」隊員停下腳步.唯獨勇仔拼命追去.
「勇仔,唔駛追啦....」藍曉玲通過耳機勸他.
「唔可以!!!」勇仔還未放棄,直至運輸機起飛,他才停下來,雙手按著膝蓋,不斷喘氣.
    藍曉玲憋著呼吸,壓制憤怒的情緒.

   在學校聽課的區可頤和張穎琳各自收到藍曉玲寄來的訊息:''本部倉庫遭到清劫,懷疑是Woodpecker所為.另外,馮佩妮失蹤.''

「噢,有消息喇.」顏影寒拿出口袋裡震動的手機,收到一段展示機艙裡各式各樣裝甲車輛和槍械的直播影片,在齊家尚面前播放:「Woodpecker唔只係駭客組織,仲係革命組織.」
「單單武力根本解決唔到任何問題,咁做只係重複天幕事件.助長班權貴越嚟越放肆!!」
「失敗嘅話當然會,但係我敢肯定祗要成功激起民憤,就會越嚟越多人加入我地.」顏影寒雙掌拍在齊家尚的肩膀:「今次係你將功贖罪嘅機會....你唔可以再逃避....」,聽到外面傳來打鬥聲,他眼神又更凝重:「你選擇喺天堂為奴,定係喺地獄稱王?」
「咪郁!!」十幾個特務攻進來,用槍指著顏影寒.顏影寒被扣上電子手扣,雙眼還凝視著齊家尚.
「我選擇.....」齊家尚摘下身上的竊聽器,單手捏碎:「地獄.」,他後肘擊後面一個特務,搶走手槍後把其他的特務逐個射倒————————顏影寒把電子手扣凍結再握拳粉碎:「仲差一件事要處理.」
「洪氏兄弟.」齊家尚說.

--------------------------------------------------------------------------------------------------------------------------------------------------
     秦世樂被關在比牢房更狹小的地方裡,他已經多番否認傷人,也沒有一個懲教人員願意理會.叫到口乾的他只好放棄,扒在角落無所事事.
   過了一會兒,懲教主任走過來,秦世樂經過鐵窗見到他的臉,卻故作沒有看到.
「我地check過閉路電視.洪再明係自己攞熨斗燙自己嘅,唔關你事.」懲教主任嚴正地說.
「知道嘅話仲唔放我出去?」
「我份人好執著,咩都要查明到底.洪再明一定係避緊D乜嘢先不惜燙傷自己.鑑於你嘅背景,我覺得你最清楚發生乜事.你有責任講出嚟.」
     秦世樂瞧他一眼,說:「有人要對洪再明不利.」
「解釋下.」
「當時佢好怕我,以為我會捉走佢.所以我先咁肯定.」
「係咩人要捉佢?」懲教主任說罷,轟炸聲便從某處傳來.
    秦世樂從傳出聲響的方向望去:「你要放我出去!佢地唔係咁輕易對付到.」懲教主任卻無視他,一個人衝去.
「唉...坐監都俾人無視.」秦世樂仔細一看,原來牢房門已被開啟.

    牆壁被炸開一個大洞,從粉塵中跑出幾個持自動步槍的青年,前來迎戰的警衛也被子彈血洗.隨後出現的,是齊家尚.
「將阻事嘅人清除.」他命令道,青年隨即分散行動.
「齊家尚?」秦世樂站在他正前方,眉頭一皺:「點解你會喺度....」
   齊家尚沒有回應他,掏出背上的弓箭,朝秦世樂射向.秦世樂側身閃過,箭矢定定插在牆壁上.
「咁做係冇用㗎.」秦世樂道.
「真係?」齊家尚冷冷的說,箭矢頓時爆出強光,秦世樂被耳鳴和暈昡弄得趴在牆上.齊家尚從他身旁走過,走到困禁洪再明的病房前,用具開鎖功能的箭矢插進鑰匙孔.

「我唔要走!!我要留低!!」洪再明一手扶著被包覆的半邊臉,一手抓住床角,結局還是被拉走.