妖氣報告SEASON 1 (實體書已登陸各大書局): 角色特別專訪 6 妖氣報導員
角色特別專訪 6 妖氣報導員
「連載左一個月共九十話既長篇故事『妖氣報告』終於結束，感謝e個五月同我一直每晚中二病既各位，e個故事題材或者非主流，但我鍾意！作為故事既結尾，今次就以專訪代替作者的自言自語啦，因為今次故事中有一位好特別既角色，有請妖氣報導員，咸濕法師，四月。」
四月「呵呵呵呵！大家好，我就係搶哂d主角風頭仲英勇殉職既法師四月啦！」
作者「你做咩用口語呀！我專利黎架！」
四月「是但啦，反正大家都係四月，做咩咁斤斤計較呢～」
作者「得戚到你呢⋯⋯先講下點解會有四月e個角色啦。
妖氣報告，係我自己定既故名，但係連載前俾三個連載post名大家選擇時，『六點半妖氣報導，大家好，我係陳四月』勝出左，導致故事中既妖氣報導員，被迫要叫做四月⋯⋯仲要係人魔共同創立，維持人界安定既公會中，擔任重要位置既三巨頭之一。
人類代表，黑袍法師既弟子，魔法師四月，點解你會踏上法師之路呢？」
四月「因為做法師型棍囉。」
作者「吓⋯⋯吓？」
四月「d衝鋒陷陣既野危險嘛⋯⋯法師可以企係後面指指點點，得閒射兩嘢落地就可以收工了～」
作者「認真少少好無，而家d讀者淨係當你咸濕仔啦⋯⋯」
四月「好啦⋯⋯要說成為法師的原因⋯⋯是因為黑袍法師對我的恩情。
原本我也只是平常的上班族，平常地工作，平常地談戀愛，平常地想要結婚，但這人界並不平常，妖魔橫行的都市裡，生命可以突然流逝，我的戀人也是突然在我面前喪生的。
神使狩獵妖魔的晚上，那未及張開結界的戰場內屍橫遍野，我的戀人被妖魔所殺，當時的神使沒有足夠的神力消滅那妖魔⋯⋯是黑袍法師把我救出的，但那妖魔卻逃去無蹤。
而神使，就把在場生還者的記憶未消，然後我的魔力突然爆發了，神使無法清除我的記憶，而我亦對神使作出質問。」
作者「突然咁認真既⋯⋯你質佢咩呢？」
四月「為什麼要清除生還者的記憶，為什麼要把妖魔在世的事隱藏。」
作者「毫無疑問係想避免群眾恐慌啦，係唔知身邊有幾多妖魔既地方生活，不安會摧毀人類既文明，唔會再有人願意安份守己，恐懼會令所有體制崩潰。」
四月「但無數生命的痕跡就此被抹消，所以我跟著黑袍，我要成為獵人，我要成為法師⋯⋯我最初的目的，是要報復，要把在人界的妖魔殺盡⋯⋯不知跪求了多少個晚上，我成為了黑袍法師的第二個弟子。
師父帶我到公會，讓我認識獵人的體制，我難以相信人類⋯⋯竟然靠妖魔保護自己，獵人中妖魔的數字竟多於人類。
然後我開始了漫長的修練，每個晚上在公會喝酒，認識到不同的妖魔，他們為著不同的理由戰鬥。」
作者「咁多口水既你⋯⋯」
四月「三年後我找到了我的仇人，他扮作人類活在這都市，而且還帶著同是妖魔的妻子和孩子。」
作者「咁你⋯⋯有無吊打佢呢。」
四月「我把他殺死了，還有他的妻子，和孩子。」
作者「嘩⋯⋯禍不及妻兒呀⋯⋯」
四月「憤怒⋯⋯那一刻我只有憤怒，我穿起惡魔的護甲，把想保護他的女人和孩子幹掉了⋯⋯待我回過神來，師父已站在我身後。」
作者「你同妖魔咁大仇口，點解故事中你三番四次去提倡共存呢？」
四月「大仇得報後，師父叫我到魔界遊歷，並組織屬於自己的團隊，當時我是拒絕的⋯⋯殺了那妖魔後，我一度迷失了自己，他的妻兒⋯⋯或者是無辜的，而且我為愛人報了仇，我打算不再以法師，以獵人的身份活下去，但師父說⋯⋯我迷失的道路，會在魔界找到。」
作者「所以你就去左魔界懶型咁遊歷，仲識左烈花同碧琪，最後仲帶左牛佬同莎耶番黎人界。」
四月「那是長達可以寫外傳的故事。」
作者「發夢吖你呀，你拎左便當架啦。」
四月「在魔界遊歷的日子裡，並不是所有妖魔也會襲擊人類，對人類好奇，對人類友善的妖魔同樣為數不少。
反而妖魔之間的殺戮，未必夠人類世界的侵略醜惡，遊歷的日子，讓我看到更多可能性，只要用上對的方法，就算是失控的三頭魔犬也會展露甜蜜的笑容。」
作者「講開三頭犬莎奈，四月你係咪有戀童癖？」
四月「癡線！我御姐控黎架！」
作者「咁岩既⋯⋯我都係⋯⋯咁點解你咁咸濕呢？」
四月「邊有男人唔咸濕架⋯⋯咪扮正人君子啦，咩年代呀⋯⋯正視自己既咸濕，勇敢面對自己既渴求，積極變成有實力既人，就會好多人接受你既咸濕架啦。」
作者「厲害厲害，竟然可以咁理直氣壯咁合理化你既咸濕！」
四月「男人，係侵略者，這是無論人類妖魔也千古不變的定律。」
「咁如果烈花，莎耶，妲己同卑彌呼俾你揀你既選擇會係？」
四月「你問d咁既問題既？」
作者「讀者問咋⋯⋯」
四月「其實e個問題問得好好，亦都非常難選擇，莎耶同我關係太深，我當佢妹妹架者⋯⋯呼呼ed運動型拍醜妹係令人幾想整紅佢塊面⋯⋯但烈花同妲己既身材同顏值，加上嫵媚既神情，九尾妖狐始終係無得頂既⋯⋯」
作者「其實你唔洗分析得咁詳盡既⋯⋯」
四月「我和烈花，是戰友，從魔界的流浪日子，到我回來當公會的人類代表，我們之間存在的，是和愛情不一樣的情感。」
作者「做咪突然又咁認真？」
四月「都係妲己啦！壞壞的大姐姐～」
作者「我覺得讀者睇完會覺得你更加咸濕，話哂你都拎左便當啦⋯⋯你又有咩感受呢？往後既劇情無你份架啦，你又有咩嘢搞咁呢？」
四月「拎左便當⋯⋯咪當休息下囉，我同如來既能力好有限，要對付白翼，無論人類妖魔定神使，只有企係同一陣線先對抗得到。
或者白翼的存在⋯⋯是為了帶來共存的新世界。
之於我本人既動向，我要幫陰間王完成一件事先，或者我哄得佢開心，有得開外掛復活呢～」
作者「咁你哄掂我會實際d⋯⋯好啦，都係時候結束今個專訪啦，感謝一眾係妖氣報告表演活躍既角色，構成一個故事既，除左劇情伏線之外，鮮明突出既角色好重要，法師四月係e方面表現得好出下，抵你拎便當！
妖氣報告第一部終於告一段落，魔幻打鬥e個題材係我覺得最難寫既一次，要處理好打鬥，要有新鮮既設定，要睇既人有畫面，要有夠好既劇情同最終目標，係好困難，但同時好有趣。
每次開一個長故，都係一種賭博，成績反應迴響無得預計，今次⋯⋯點都好，對妖氣報告e個故事，我好滿意，好鍾意，係我會以寫過e個故事自豪既作品。
感謝e個5月陪我一齊中二病既每位，係我好迷茫好心急時鼓勵我支持我既一d作者同讀者都特別感激，今次連載既過程⋯⋯我學到好多野，感謝喜歡這故事，願意同我交流一齊玩既每位。
然後，亦都係最多人關心既問題，幾時有妖氣報告2，我暫時答你唔到，製作每日更新既長篇連載，要花四個月左右既時間，我唔想個fb又空係到四個月，所以接下來會製作一個短d既，不定期更新連載故事，同時會練下筆，畫下妖氣既一d人物圖，諗下妖氣學園點玩好，為書展同年尾既兩本實體書做準備。
年尾既「攻略鄰家七姐妹」實體書會加入當時承諾過既愛瑪治癒篇，希望有睇過既人到時支持下。
最後，同出版社傾過後，書展會出既新作品，因為無做過連載，但我唔想讀者完全無睇過就俾錢，所以爭取左月中或尾放頭十篇上網，詳情fb會再更新，睇左覺得好睇有興趣先買，書展大把好書，無謂浪費金錢係無興趣既故事上。
長到要兩本書先做到但大家覺得咁快完既妖氣報告終於結束啦，我地⋯⋯下個故見。」