《亡命者》「選擇」「領袖」: 第十九章 野獸

「嘭」

幸好鄭家榮轉身一腳踢走張椅，避免左樂兒背脊受傷。

耳環男其中一個手下説『邊個踢走張椅呀？！』

耳環男望向我們，對我們輕挑説：『幾多靚女喎，等我打曬呢班人就過嚟搵你地嫁喇靚女！等我呀！』

鄭家榮起身面向耳環男同軒少，雖然我見唔到阿榮個樣，但由呢兩班人驚恐的表情令我明白，宜家呢班傻仔得罪嘅已經唔一個人，係一隻野獸。





鄭家榮左手摸摸樂兒的頭，右手拎起一對未用過的筷子，但我見到右手微微顫抖，重有青筋隱約出現。

鄭家榮頭轉右，對榮sir説：『Yes sir』

説完就成個人衝過去收頭，madam poon連想阻止的時間都無。

而我拎起一張無人坐嘅椅，開始改造張椅。

大部分女仔都無打算阻止，可能因為頭先被人用唔友善嘅眼神注視全身。





馬嬲同詩詩想出去阻止鄭家榮打交，但被我阻止。

『我地NCO嚟嫁！點可以隨便同人打交嫁！』

『咪係！我地平時集隊都無打交啦，點解宜家先嚟打』

我同榮Sir聽完後各自比左一個答案。

『因為宜家你想阻止一隻野獸』





『因為宜家鄭家榮係為左隊員去同人打』

馬嬲同詩詩聽見後表情毫無變化。

『NCO打交就係唔啱，一定要阻止』

『呀！！！！！！！』「嘭」

此時，一個耳環男手下係我頭頂飛過，係我後面跌低左。

我此時先注意到呢個係頭先差點用椅飛傷樂兒嘅個件蛋散。

『kinglam，同我搞掂佢』面對十幾人圍攻的鄭家榮表情輕鬆地説

我回應『無問題啦』





我轉身對班花生友説：『呢條友啱啱得罪左宜家最強嘅新兵，鄭家榮，你地想佢注意下你地嘅就大力啲打落去呢友到』

呢班新兵諗都無諗説：『知道』

係佢地幫手打緊呢條蛋散嘅時候，我亦都整好我可以用嘅武器，只係拆左四隻椅腳落黎做棍。

我對重食緊飯嘅人渣説：『飛宏，接住』

飛宏聽見後望向我，終於肯放低對筷子伸手接住。

我接著説：『你比一支阿榮』

飛宏含著飯説：『ok，無問題』





我和終於食埋淡飯的飛宏並肩而排，以勢如破竹的氣勢跑過去。

『唔好阻住曬！』

站在中間的鄭家榮看見我們跑過來一臉驚訝，然後變成爽朗的笑容。

『第一次喎，kinglam』

『人生第一次打交就同你兩條友合作，頂』

飛宏比支棍鄭家榮，説：『人生嘅嘢緊有第一次』

鄭家榮説：『可能打左返唔到轉頭』

『打飛機咩…………』





飛宏黯然説：『有得打飛機都係一種福分』

『一陣先講啦』

我們三個背靠背，手持棍面向各自的對手。

鄭家榮説：『我呢邊六個』

飛宏説：『我呢邊得五個』

『我都係五個』

雖然係三打十六，但頭先鄭家榮同佢地打的時候佢地都不見得有任何優勢可言，再加上佢地的體力不足，宜家我地嘅來臨無可否認都只係嚟收頭。





『佢地得三個，打！』耳環男大叫

佢班手下個個遍體鱗傷，猶豫不決地考慮應唔應該再挑戰我們。

耳環男重未意識到佢班手下的難處，説：『你班廢柴都無用，等大佬自己嚟』

同耳環男相反，軒少比較冷靜，佢看著我的口型不停點頭，同意我的建議和條件。

軒少説：『同我打低耳環男！』

軒少的手下齊聲説：『知道大佬！』

軒少呢邊原來重有九個人係到，耳環男同六個手下就像被包圍的小朋友一樣，等待被人圍打。

耳環男再傻都心知不妙，連忙跪在地上，個六名手下都接二連三地跪在地上，妄想我們會放過他們。

軒少站在我們旁邊説：『哈哈估唔到你地咁勁，兩三句就令我跟埋你地，以後跟你地呀大佬』

手持著棍的鄭家榮仇視著耳環男一等人。

『你知唔知自己犯咗咩錯誤？』

『……』耳環男不敢出聲

『第一，一個士兵係唔會浪費食物』鄭家榮一棍打落耳環男的耳仔

『呀！！！！！！！！』耳環男慘叫掩耳

鄭家榮無視耳環男的慘叫，繼續説：『第二，你一個手下張椅差啲整到我女朋友』

鄭家榮説完一棍打耳環男掩耳的右手。

『呀！！！！！呀！！！！！』耳環男個姿勢我形容唔到，又要掩耳又要護手。

『第三，你對女性嘅用語太過粗魯，女仔係要尊重同愛錫，唔係比你用呢啲輕挑的態度騷擾』

鄭家榮説完，呢一棍打耳環男的口。

『呀！！！！！！』耳環男掩口大叫

耳環男身後的手下不敢出聲，害怕出一句聲下場跟耳環男一樣。

鄭家榮看著訓在地上的耳環男。

我和飛宏對望，都知要點拆件事。

飛宏站在鄭家榮右邊説：『嗱，打都打夠，係時候完啦』

而我站在鄭家榮左邊説：『嗱，你地六個宜家快啲過去同班女仔道歉啦，但係要誠心道歉』

個六個人説：『知道kinglam哥』