《亡命者》「選擇」「領袖」: 第九十六章 榮與凱 (前)

二十日後 八月二十六日 深夜


在這二十天中，甲乙丙每兩小時就會進入房間對鄭家榮用刑，每次也令鄭家榮痛苦得想自殺，但最後也撐下來，而每天也只有一碗白粥。


每一次用刑後琪琪和樂兒也會站出來令鄭家榮生不欲死，但到最後那人也會站出來拯救鄭家榮，接著離開


鄭家榮已經無力痛叫，渾身是傷坐在拷問椅上，豪依舊拿著白粥走到鄭家榮身前，一言不發地餵鄭家榮吃粥，鄭家榮在豪的黑超中看著自己的臉。





豪説：『你想唔想解脱？你想嘅我可以殺死你』

『點…解要…幫…我？』

『點解要問？你一直堅持都唔會有人嚟救你』

『我…罪…我承…受』

鄭家榮用力道：『你…眼神…入面…有份迷惘，我…想知你…的…故事』






豪坐在地上，看著鄭家榮無奈地説：『我加入新政府嘅原因係因為我家人被綠魔殺死，我為左報仇不斷係戰場上殺敵，但到最後成為戰神嘅我被派嚟保護譚少風』


豪停頓了一下，接著説：『但係…我見到嘅只有無數的人體試驗，只為了新政府的野心，而奪去無數人的生命，到宜家，我重記得一個小孩在我面前跪在地上掙圠，個種痛苦嘅叫聲每晩都好似係我耳邊回響』


『到底…新政府為何而生？』





『豪…加…入我，我…會比…你知…道…答案』

『你出到去先説服我』

豪説過後站起來轉身離去。

。
。
。
。

看著豪離去後，琪琪和樂兒再次站在我面前。

『榮哥哥，你肯過嚟未呀？』





『家榮，過嚟啦…』


『唔好再講！！！』

兩女再次想殺死我，但這次…樂兒的胸口上出現了一把黑色西洋劍的劍刃，樂兒吐血看著我，右手摸著我的臉

『家…榮…』

『樂兒！！！！！！！』


「碰！」西洋劍拔出，樂兒倒在地上






我看見了另一個我手持著黑色西洋劍。


『呀！！！』琪琪嚇得痛哭，正想轉身逃跑時，另一個我捉著琪琪，右手放下西洋劍用手臂內側夾著琪琪的頸，琪琪伸手向著我。

『榮哥哥！救我呀！！』

『琪琪！！！！！！！』


「格！」


另一個我扭斷了琪琪的頸，任由琪琪倒在地上。





我憤怒地咆哮説：『你到底係邊個？！！！！』

『我？』他指著自己説


『我咪就係你...鄭明凱』


『點解你要殺死樂兒同琪琪？！！！』

『鄭家榮，你到宜家都重係咁天真，先唔講樂兒，琪琪已經死你面前，佢哋只係你嘅心魔』

『心魔？』

『我為左令你更強，同你係虛空打左咁耐，到最後都不過如此』





『一直以嚟我體内個道聲音都係你？』

鄭明凱一言不發，右手一撥，四肢的枷鎖被打開，我的身體在逐漸回復到受傷之前


『呢到係你嘅潛意識，現實嘅你會沉睡一陣』


我馬上上前抱起樂兒的屍體，但觸碰時樂兒變成了一團流沙，接著隨風飄散，琪琪的屍體也是。


『呢到…真係我嘅潛意識？』


鄭明凱負手看著我一言不發，我憤怒地上前捉起他的衣服


『如果係咁點解之前對抗張河你唔出現？！！』


。。。。。。。。。

本章讀者提供角色


Juno Li (豪)