新手作家的共鳴: 謀定而後路？

    啲睇死寫作既老餅成日話咩寫作冇前途，成日叫我地謀定而後動，準備埋後路先玩。

    當然我係絕對！絕對唔會覺得佢地既講法系正確既。好似第一篇同大家講既一樣，大家都係追夢者，只系大家追既方式唔同：你問下果啲人，問佢地有冇夢想，話冇既都係呃你架啦，而且，通常所有既夢，唔多唔少都會偏斜到名成利就依個方面。

    冇錯，其實你睇左甘耐，都係依個廢青響度呻。

    前言講完，宜家更值得大家著眼既，系失敗之後。

    明知做唔到，但係自己既創作夢仍然存在，就好似有首唐詩既一句：‘野火燒不盡，春風吹又生’一樣，可以話，古代既詩人可能每一個都係預言家，已經睇到依個咁既未來，為各大既未來作家歎息。





    好啦，其實作家夢冇辦法圓到，啲隔岸觀火既人總係會戴上一個叫做‘仁慈’既面具，然後用佢地（自以為）既救贖之手，同埋佢地（以為真係救到人）既嘴，同你一齊（當你地小學生咁）分析利弊，然後同你講：‘其實依條路行唔到，其他路都行到架？’

    我一直以為，大陸果邊有一句野叫做‘地球太危險，不如翻火星啦’，我本來以為系一句朋友之間開開玩笑既一句，點之原來系一句來自唯一一個阿法隆既話語，真係可能成為我地唯一一個保全自己既方法。

    諗下，宜家你係響一條叫做作家路既海峽，向前游有一種叫做‘hater’既食人魚，隨時將你碎尸萬段變成造福植物既物體，但係當你退後，就有種叫做‘睇死你搞唔掂’既老虎對你虎視眈眈。你覺得，你仲有得響一個完全毫無任何勝算既遊戲，能夠苟存性命于亂世咩？

    請問大家有冇玩過five night at Freddie's 4 呢？

    有既話，應該都會聽過有一首歌叫做 I got no time既歌，入面有一句歌詞：





    But I'm stuttering
    I'm stuttering again
    No one will listen and no one will understand
    Because I'm crying as much as I speak
    Cause no one likes me when I shriek
    Want to go back to when it all began

    完整翻譯可以理解為遊戲入面，扮演響故事入面1987年玩具傷人事件既男仔，因為腦入面既幻想同埋現實不停交織，響痛苦之中不停遊走，但係卻因為冇任何一人真正咁伸出援手：佢既五個朋友全部響1987年連環謀殺事件被分尸。於是佢不停講野斷斷續續，但係冇人了解，冇人知道。佢講既同時不停喊，而且冇人響佢孤立無援既時候救佢，令佢真係想翻去原點，從頭再黎。

    就算唔系遊戲入面既男仔，相信大家都能夠明白：當你被依個毫無公理既世界，令你進退兩難既時候，會有人真心咁為你伸出援手嗎？





    再舉個栗子，如果大家有玩女神異聞錄5，都知道後期，怪盜團被陷害，但係依個時候伸出援手既偵探明智吾郎，只系想要用‘合作’為名義，最後完成目標之後搞掂你。

    你以為身邊既人都係真心為你既作家路？發夢啦你！

    好啦好啦，退翻一百萬步，就當你真係咁好彩，真係有一個咁既好朋友，到底你能夠揾到邊條同你既抱負差唔多既路？

    如果你係心繫創作，除左作家，你可能會想從藝術出發。但係唔好以為做一個畫家真係咁容易。當你以為世界仲系停留響文藝復興時期既時候，其實依個世界已經系荒謬到當大家聽緊國語歌，韓文歌依啲藝術分支既時候，就將同樣身為藝術原點既畫作當系依啲垃圾，以為好作品好似聽歌咁隨手可得。

    好啦，宜家有一種叫做youtuber（下稱YTBER）既職業，都係用自己既idea創出一片天，或者能夠幫到你呢……就奇啦！

    偷片依啲不在話下，你以為冇hater玩死你？你以為遊戲規則真係單純到只要品質高就一定有人欣賞？如果系既，我只能夠同你講，小朋友，地球太危險啦，火星已經太接近地球，翻冥王星啦。

    之前果篇文章提到某（自以為好勁既）大X，已經系一個活生生既證明——以為自己十萬就好勁，隨意改變規矩，令品質低下成為新潮流。就算你幾努力，都只會系依個白癡規矩之下既死者。





    其實，當你踏進依個成敗天註定既作家世界，你就要做好心理準備，一旦你淋濕左個頭，就冇辦法再次回頭。只有被迫走落去。唔好怪責自己，始終，就算你怪責自己，世界都只會繼續行走，只會繼續當藝術系垃圾，只會繼續比無能者主宰排行榜。