那些年，我被女朋友狠狠地戴了頂綠帽: 第二十章 Ch.20

經過上一次啊言送禮物俾我，我地既關係更進一步。
當我以為我地會一直維持住既時候，一件事 改變左一切。

有一日放左學，突然間facebook傳黎一個信息。
正當我疑惑緊佢係邊個既時候，
佢首先開口：「Hello，你係咪啊輝？」
「係啊，你係？」我回覆。
佢好快就打宇回應：「我係啊言既朋友啊，你叫我啊茵得啦。」
佢繼續講：「我想同你傾小小野啊，我係同啊言一齊補習既。
個日補完習，我同佢一齊返屋企，見到佢望住部手機係到偷笑，


我以為佢同緊你傾計啦，望左一望，點知係第二個男仔...」

我呆左一呆，然後笑一笑：「可能係普通朋友呢？」
啊茵再補充：「一定唔係囉，佢由補習之前傾到補習之後，
個男仔問啊言有冇男朋友，但係佢雖然話冇！」

我呆坐係電腦面前，好耐先識作出反應。
「啊言..啊言佢講笑嫁姐。」我嘗試搵一啲理由去相信啊言。

啊茵就話：「點都好啦，我都係同你講下嫁姐。


因為我都唔方便處理...」

「好既  唔該曬」我下意識打左呢五隻字，連標點都唔記得啦。

我關左電腦，去廁所洗左個面，打算早啲訓，唔好俾自己亂諗野。
上到床，我輾轉反側。個腦不停幫啊言搵緊理由。
啊言..佢唔會對我唔住既。
我對佢咁好，佢點會捨得呢？
哈哈，我點可以唔信佢嫁！佢係我女朋友黎嫁喎！
最後我決定，一日唔係親眼見到，一日都唔可以懷疑啊言。



又係一個徹夜難眠既晚上。