我係喜達,撈麵界既亞視續集,一個屬於黑林頓兒子既故事: 黑邦與李克勤逃亡篇
『咁行啦喂,搭黃崗巴士』
『邦哥你訓醒未呀』
『下?』
『我地點過關呀天才』
『咁點呀』
『定d黎,上車啦』
李克勤車左黑邦去碼頭
『搭船呀我地?』
『係呀..等陣啦..我個兄弟會接我地,喇..話口未完,佢到喇』
有架快艇慢慢靠岸
快艇上面有個人拎住電筒,向住我地打出三長兩短既暗號
而李克勤亦都拎支電筒出黎
『仆街喇,唔記得買電芯』
『屌你唔撚係下話』
『唔緊要,我用電話』
李克勤拎出佢既samsung note 23手提電話,向住快艇既方向,利用熒光幕既微弱光線打暗號
快艇靠岸之後,有個男人揮手叫我地上船
架快艇最多可以坐四個人
『屌你搞咩呀勤哥仔,電筒你都無呀?用電話?你傻架』
『sorry呀大飛強,唔記得買電芯』
『屌你嚇死我咩想,離遠見到d藍光閃閃下,仲以為有警車』
『唏,唔好講多野喇,開船啦,我趕住去沖涼架』
『得啦,坐好啦』
係短短既半個鐘船程入面
我望住越來越遠既香港
我第一次著草
聽就成日都聽人講,估唔到今日自己都試返次
我係香港其實都可以話係無人無物
只係掛住呀媽
我開始驚
如果警察真係通輯我,上我屋企,咁呀媽咪乜都知道晒
『屌,唔好諗咁多啦邦』
可能呢個世界最了解我既人就係李克勤
佢搭住我膊頭
我地已經進入左中國水域
『喇..前面就係喇,落船之後行去果邊就有的士架喇』
『唔該晒強哥』
我同強哥握一握手,畢竟佢都算係救左我
『大飛強,好兄弟,喇有你有我呀,第二時我返香港撈返起,實預埋你』
李克勤向大飛強來一個擁抱
『屌你行開啦,比錢好過啦』
上岸之後,我地馬上去上左一架的士
『司機,去那個..東門』
李克勤用正常人都唔會聽得明既普通話同司機講出目的地,又估唔到個司機竟然聽得明
『喂,我地唔係去東莞咩,做乜去東門呀』
『哦..我有個兄弟係果邊,我約左佢,叫佢搞張假身份證比我地呀,仲有呀..』
『仲有咩呀』
李克勤示意黑邦靠近一點,係黑邦耳仔邊講
『我叫左佢拎定d架生比我呀,你知啦,人在外地,有咩依郁都要有返支槍旁身架』
『嘩,槍都有埋,洗唔洗呀勤哥』
『屌你咩唔洗呀,我地話晒都係一代毒梟,著草都要有氣勢架』
去到東門之後
我地行到去九龍城廣場對出既咖啡店坐低左
坐左陣,就有個蛇頭鼠眼既男人行埋黎
『喂,呀勤乜咁唔小心呀』
蛇頭鼠眼既男人坐低之後問都唔問就拎我包煙食
可能呢d就係大陸既交際方式
『唔得閒同你解釋咁多呀,d野你帶左黎未呀』
『帶左啦,八千』
『嘩咁撚貴』
『勤哥你食米唔知米貴呀,係深圳買個身份你估平架?你覺得貴咁你咪去入境處囉』
『得喇得喇..架生呢?』
『你比左錢先啦』
李克勤將佢身上唯一既八千蚊比左佢
『架生癡左係枱底』
男人講完就急急腳走左
李克勤拎果兩張身份證睇清楚
『我肥d..我要呢張啦,邦仔你要呢張』
『哦..屌..我叫張小紅呀?女人名黎既』
『是撚但啦邦仔著草就唔好咁多要求啦』
『咁你又叫咩名呀』
『嚴大丙』
『屌』
『喂睇埋把架生先』
李克勤摸一摸枱,拎左一個膠袋出來
拆開佢
『我屌你老母大圈龍』
李克勤望住個膠袋講粗口
『比我睇下』
我一手拎左個膠袋黎睇
『唔係下話』
膠袋入面無槍
得兩支警棍
『呀勤你又話同佢係兄弟既,比兩碌棍我地就算架喇?』
『屌..你知啦,槍就無眼既,一陣有咩依郁走火咪大撚獲,棍好呀,一人一碌,d牛鬼蛇神邊敢埋身』
李克勤又轉口風
『又係你講先既..算喇..呢家去邊呀?』
『搭的士過東莞啦,你去唱定人民幣先』
黑邦去找換店換左一萬蚊人民幣,然後係找換店到順便買左幾張電話卡
黑邦打算打返屋企
『喂?媽呀?』
『係..上到去喇?』
『係..係呀..呢家係酒店』
『萬事要小心呀仔,有咩事記得打比我呀』
『知道喇..唔講住喇..拜拜』
黑邦聽呀媽既語氣,睇黎警察仲未上門搵佢
暫時都可以鬆一口氣
係返去搵李克勤既途中
佢見到一間賣電器既小商店
『買多舊電都好喎..』
黑邦一行到埋去,電器店既老闆馬上招呼黑邦
『喂老闆有咩需要呀』
『我睇下先..』
『老闆睇你個樣好似需要d特別既野喎』
『有咩特別野呀』
『我睇老闆你都應該係出黎跑江湖,洗唔洗買d野旁身呀?』
黑邦諗起蛇頭鼠眼既大圈龍
『唔撚洗喇』
『唔係喎老闆睇下先啦,乜都有架』
電器店既老闆係櫃入面拎左一個大袋出黎
『電槍?』
『嘩老闆你識貨呀,格仔牌電槍,較到最大力,大笨象電得死呀』
『格仔牌?..未聽過喎』
『老闆你有無搞錯呀,出來跑江湖格仔牌都唔識?英文咪burberry囉』
『burberry有出電槍既咩..』
『那老闆,見係你,加兩舊原裝電比你,一年保養,見同老闆你咁投緣,比個電視框你,五千得喇』
『你都癡撚線既』
黑邦頭也不回,不帶走半點雲彩
『老闆..等陣呀喂』
『三千得喇』
『喂老闆唔好行住啦,二千..一千喇』
『喇喇喇最後一口價八舊』
電器店老闆叫到大條街都聽到
『五舊,加多舊samsung電比我』