一次意外，我的人生可以重新來過？: 第八十四章

第八十四章 

「你個死仔琴日去左邊度，獎都唔拿你知唔知你拿到冠軍？」浩文說。「連個個咩全場投票既獎都係你贏，全校同學都當左你係前年個個叫Hugo既人咁突然消失唔見左呀。」 

「我琴日有事要做嘛。」我沒好氣地說。 

「有事到連芷悠拉住你你都走喎，完全唔似你。」 

「得啦，今日係咪要傾去旅行既事呀玩會主席？」我問小薰。 



「呀…係！你唔講我都唔記得！我轉頭同老師講先。」小薰看來又沒帶腦回校了。 

「今次旅行你會唔會把握機會同芷悠增進感情呀？」 

「唉，我都唔知，有時見佢D態度，好令我止步。」我笑了一笑。「如果可以既，我當然希望可以同佢開開心心咁過啦。」 

「其實都唔知芷悠想點，明知有個咁既男仔等緊佢，再加上前男友衰到咁，唔明點解唔去考慮下你。」浩文攤一攤手。 

「有時候，timing唔岩，就係唔可能係咪一齊。」我無奈地說。 



「喂你地傾緊咩呀？」芷悠這個時候亂入。 

「講緊話旅行要二人一組交遊記報告同邊個一組之嘛。」浩文說。「係呢反正你都無組嫁….」 

「咩呀彥無組呀！呀彥一定會同我一組既！你去同小薰啦！」芷悠嘟著嘴抗議著。 

「唉…無眼睇你兩個呀！喂小薰….」浩文轉身走去小薰那裡。 

「我地今次去旅行去邊度呀？」芷悠問。 



「海洋公園。」

「有咩玩？」芷悠興奮地問。 

「咪海盜船，過山車個D囉。」我心不在焉地答。 

「呀彥你做咩咁冷淡既？係咪有咩心事呀？不如話我知。」芷悠望著我雙眼，好像看透了我所有心事一樣。 

「啊…無咩事。我有少少唔舒服啫。」我心裡還是想著這兩天發生的事，實在調動不了一個極佳的心情去迎接芷悠。 

「真係既？你講過唔會呃我嫁。」 

「我無呃你呀。」 

「好啦，唔好唔開心啦，等姐姐送樣野比你。」芷悠從袋子裡拿出一隻唐老鴨玩偶。「佢呢陪左我好多年嫁啦，以後你有咩唔開心我又唔係你身邊既，你就同佢講啦，就當我係你身邊一樣。」 



「唔洗啦芷悠。」我很是驚訝芷悠會送她的隨身物品給我。「整污濁左點算？」 

「咁呀…」她在袋子拿出了另一隻玩偶。「佢叫Daisy，係Donald既女朋友，以後呢你就拿住Daisy就好似見到我咁，我拿住Donald就好似見到你咁。當見唔到大家又想同對方講野既，就同個公仔講啦。」 

「真係送比我？一對嫁喎…」我望著手上的Daisy說。 

「就係一對先送比你呀傻仔仔！」芷悠笑著說。 

「嗯…. 好啦….」我把Daisy放到袋子裡，然後跟芷悠說。「我有少少頭痛，休息陣先再講。」說畢後我便伏在桌子上休息。 

自從歌唱比賽後芷悠對我的態度愈來愈曖昧，心裡更是甜絲絲的，看來我們在一起的那天很快會來到。 

只可惜那會是曇花一現嗎？那會不會只是她收兵的一種手法？ 



我會又再希望多次後，失望多次嗎？ 

那Gloria呢？ 





唉…. 很煩惱。