橫世間: 第二章 深山野人

我都唔清楚我而家實際起度過咗幾多日，不過起碼都有幾個月，又走唔到出去，開頭飲唔慣山水，成日肚屙，而家習慣咗，無乜嘢！ 

這幾個月，我靠住打獵生存，學尋秦記咁攞樹皮捲埋整麻繩，幾條捲埋粗D穩震D，又學識起地下磨利嚿石整利器，刨尖嚿石整矛，差在未識整弓箭，唔係就perfect。 

其實我都放棄咗返返去原本的世界，因為這幾個月，我抬頭望天，飛行服務隊都無，睇來我老竇老母晨早放棄咗我，警都無報，如果唔係，起碼都會有幾隻直升機起度半天吊。既然佢哋都放棄咗我，我都係留返起度做深山野人算，費事出去現世！ 

而我的原始生活都算唔錯，好似起溪到插條魚，起樹上飛矛偷襲D熊，用幾條樹皮繩整陷阱，掘個洞起下面埋幾十支磨尖咗的木棍，再起上面鋪返幾層草，都唔難搵食，好過起出面個個社會好多。不過我都唔清楚點解這附近有咁多野生動物，如果唔係，新聞一報導出來，班強國人即刻坐高鐵飛來食曬，如果被人捉到，又話要包容要放人，最後乜事都無！fuck！其實佢哋來，我都無所謂，因為我一支矛就飛過去就嚇得走佢哋！ 

只不過遇到蛇就麻煩好多，因為佢哋閃得快又難殺，仲要有毒，曾經有次被條蛇闖入我山洞，我都以為死緊，跟住搏命攞嘢扔佢，最後佢一嘢咬咗落我罐啤酒到就走咗。之後我掘咗幾條護洞河，起上面倒啤酒，跟住又起小溪到再分咗條支流起我個山洞出面，方便我飲水。不過通常我屙屎屙尿都會走落下游，費事污染水源，自己飲返自己D嘢！跟住又起山洞口到日日堆好堆火，方便我燒嘢食，同埋嚇走D野獸。 





生活日日都係咁重複。不過，都好彩我自閉開，如果唔係都頂唔順！