自殺論: 一個比成年人嘅序

其實人呢，真系一種好脆弱嘅生物。
但係社會偏偏又要迫人堅強喔，所以偽裝呢樣嘢就出現啦，變得冷酷，變得爽朗，或者其他啦。壓力咪就系咁出現咯。
漸漸地，你會忘記去理解其他人所有嘅感受，或者將自己嘅唸法套落人地果度。
那，我講明先啦。如果你睇到呢度覺得我講得唔啱呢，唔好話我，我都只係將自己所想寫出來。你覺得無法接受，可以走。

有時候會望到D自殺嘅新聞報道，通常留言就會系幾種：
點解要睇唔開啊？
真系可惜啊，明明仲有幾十年人生。
呢D人真系非常不孝，有無唸果屋企人嘅感受啊？





甚至有D系：
正垃圾！你想死問左你媽未啊？
仆街一個。

呢一D評論我都見過。

套我朋友一句無權威嘅說話啊：由細到大，又有幾多人真系從來都無唸過自殺啊？
系人都經歷過青春期，系人都試過反叛啦。
點解你要系度講風涼話啊？
我主要其實系想話比所有成年人知道，系你地眼中，自殺系一件不堪嘅事情。但係自殺果個死過陣已經好痛苦啦，你仲要系度講風涼話，去話人？你唔係應該去理解死者嘅感受咩?





我又唔係想講到自己有幾偉大，我或者都無辦法理解所有人。但係我真系非常討厭一D系自殺事件留言以上嘅說話咯。

如果系想理解一下我地中學生（青少年啦），請睇落去。如果你依然無法認同我，你就走啦，我唔會阻止。