【愛情甜故】我同條女敦倫的日子: 出外遊走2

行完山幾日之後，佢再約我話想去睇戲，我發覺佢真係好得閒。

「阿豪，近排出左套鬼片，今日我地一齊去睇?」

我啱啱瞓醒手機就響起，原來係茹姐wts我。

「你自己唔去睇?你淆呀?(奸笑表情)」

「頂你啦，我啲friend個個唔得閒咋，我好大膽。(鼻孔噴氣表情)」



「聽住先啦。」

「咁你今日即係陪唔陪我去睇?」

「但嗰日行完山我仲好攰喎，唔想郁。」

「好囉，仲話朋友，我放你係第一位你放我係第幾位?(怒啤表情)」

「好啦好啦咁去囉，還掂我都冇野做，真係服左你。」



「yeah!咁咪幾好。」

明明都廿歲人但仲係咁唔嗲唔吊，呢個就係黃芷茹，枉我第一眼見到佢仲覺得佢好成熟。

直到我地出到黎買飛，

「得唔得嫁你，你睇個封面條女個樣幾咁恐怖。」

我指住牆上幅海報同茹姐講。



「封面黎姐，嚇我唔到嘅。」

「仲扮野，明明驚都扮晒振定。」

「邊度驚，區區一套鬼片唔會嚇到我囉。」

「聽住先，入到去如果你嚇到彈起我一定笑鳩你。」

所謂睇人仆街最開心，佢依家咁得戚入到去嚇親我一定笑鳩死佢。

然後好快我地入到去戲院就坐，我地坐側邊中間嗰排。

「嘿!」

當我地就坐冇幾耐仲賣緊廣告之時我就嚇左佢一下，我兩手拍落佢肩膀，茹姐當場俾我嚇到震左下。



「頂你想嚇死我咩。」

隨後佢即刻打左我肩膀幾下。

「哈哈又話唔驚扮晒野。」

成功嚇到佢我當然笑鳩佢，仲要係未開始。

「我...我邊度有驚，我覺得凍打冷震咋。」

「我實信你。」

直到套戲開始左，並且去到一個驚嚇位，



套戲有條女係一個陰暗環境下充滿懷疑地規探一個窿，四周都好靜，

當佢個頭拱到埋個窿望嘅時候突然有隻女鬼嘅樣係入面彈左出黎，當佢彈出黎之時音效亦隨之發出巨響，而茹姐竟然嚇到繞住我隻手，

當然其實我都有少少俾佢嚇到，但就冇茹姐佢咁大反應，

唔知佢係咪睇得太入迷，佢竟然冇縮手繼續繞住我，不過算啦正常女仔驚嘅時候都會搵野繞住或攬住，我就當做次好人繼續俾佢繞住。



個半鐘過去，套戲終於完左，呢個時候茹姐先醒覺縮開佢隻手。

「點解我會繞住左你?我繞左你幾耐?」

佢好始有啲唔好意思咁質問我。



「成場戲你都繞住我實一實。」

「點解你唔同我講。」

「算啦，知你驚我咪俾個依靠你，費事你又話我唔幫你，淨係識得嚇你。」

「咁我咪要好多謝你。」

「你應該多謝套戲冇將你嚇死。」

「你仲話唔驚，其實你就驚到仆街，嚇到面都青晒哈哈。」

「咪你囉，開頭俾你嚇一嚇搞到我驚足成場。」



「見住你依家仲識搵藉口扮晒震定我真係好想笑你哈哈。」

茹姐怒啤我一下後我地就出左去。

「哈哈哈你知唔知你俾呢套戲嚇到彈起左幾多次，我坐你隔離都感受到張凳有幾震。」

「仲笑，去唔去食野啊一齊。」

佢又打一下我肩膀。

「去啊去啊，唔講我都唔覺得肚餓哈哈...」

然後我地入左間餐廳，點野食食野，而我終於冇再繼續笑佢。

我邊食邊望住佢食野，然而食食下我就見到有啲白汁沾左係佢嘴角隔離，

咁啱我又有紙巾，我即刻拎出黎幫佢抹一抹。

「茹姐，污糟左啊你。」

幫佢抹之時佢好聽話停定左冇食野。

「唔...唔該你。」

「平時見你有啲男人婆，不過食起野上黎又幾斯文。」

「頂你我不嬲都咁斯文嫁啦，只係有時笑點低多野講少少姐。」

然後係台底下佢踼左我一下，我今日已經被瘧左好多次。

「讚下你都打我，真係冇陰公。」

「嘻嘻抵死。」

「話時話，乜你驚嗰陣好鍾意攬住人嫁咩?」

「實不相瞞，其實我平時瞓教都要攬住啲野先瞓得著，所以我間房會有幾隻大公仔。」

真係睇唔出茹姐咁大個人仲要攬住公仔瞓教。

「咁第時同你瞓教嘅男人咪好慘成日俾你攬實晚晚冇覺好瞓!?」

「放心，第時我一定搵翻個唔介意我攬住瞓嘅男仔做我老公。」

「以你嘅性格想搵個好老公都幾難，想要老坑定中年大叔。」

「頂你個肺又亂講野，我啲條件有咁差咩。」

然後佢又打我一下，睇黎佢真係打我打到上癮。

「唔好打，哈哈...」

就咁樣我地又嘻嘻哈哈過左一日。