【愛情甜故】我同條女敦倫的日子: 夢境應驗

真係唔講唔知，原來我已經好多個鐘冇去痾尿，依家忽然就好急尿，

同茹姐道別後我就急急腳走到門口開門，正想開門之時，眼眉突然又開始跳動，有股不祥嘅預感，但我又唔知邊度不祥。

算啦，諗咁多都冇用都係出去揸完個水先算，然後我就開門出左走廊，

我沿住筆直嘅走廊快步地走著，但走著走著我就唔小心撞到個人，我同佢係對撞，撞到佢肩膀。

「唔好意思。」



撞到後我主動地望住佢講左聲唔好意思，我見到佢著住件黑色風褸，頭部戴住風褸連埋嘅帽，頂帽好長完全遮蓋左佢個樣，成個黑衣人咁，

所以我完全睇唔到佢個樣，亦唔知係邊，應該都係陌生人，

但當我同佢道歉後，佢並冇理會我，而係繼續向前緩慢地走動，佢兩手仲要插住衫袋，睇黎佢好凍咁樣，

唔理咁多，依家當務之急係揸左水先，好快我就跑到廁所推門入去。
.
.
.


揸完水後舒服返晒，跟住落黎我要去阿欣病房探佢，我終於可以正常同阿欣講幾句，好彩佢都大步跨過，

就係我再次經過茹姐病房條走廊時，我遠處見到個黑衣人正從茹姐間房入面出返黎，

「喂，你係邊個?」

我覺得有啲唔妥，所以我即刻向前跑並大聲質問佢，當佢聽到我質問時就馬上背向我跑走左，果然有唔妥，唔通佢係黎害茹姐嘅?

我唔暫時唔追佢住，我要入茹姐間病房睇下佢有冇事，



直至我入到茹姐間病房，我見到佢係度喊緊，究竟啱先發生咩事?

「茹姐，你有冇事?啱先發生咩事?」

「阿豪我對唔住你嗚嗚...」

「你唔好喊住慢慢講俾我知發生咩事。」

「啱先伯母入左黎。」

「你講乜野...?你話伯母!?」

原來我啱先見到嗰個黑衣人係伯母，佢竟然唔對我郁手。

「佢一入黎就捏住我條頸迫我講阿欣係邊間病房。」



我立即望一望茹姐條頸，的確有好大個手掌印，紅晒。

「我唔肯講佢就話如果我再唔講就要阿豪你同我都過唔到今晚，我考慮到咁樣會累到你所以我就講左俾佢知。」

「對唔住阿豪嗚嗚...」

「點解你唔講個假嘅位置俾佢知，你知唔知你地兩個我一個都唔想受傷。」

「對唔住...佢最後仲話今日就用死神嘅身份去奪取阿欣嘅性命，叫我同你講唔好阻住佢。」

我越聽越心急越驚慌。

「唔得!我要去救阿欣。」



正當我想離開時，茹姐就抓住左我隻手，

「唔好去啊阿豪，你去搵佢你都會有事嫁。」

「你放手唔好拉住我，佢係我一個好重要嘅人，我就算死都唔可以俾佢有事!」

然後我fing開左茹姐隻手衝住出門口。

「伯母佢變態嫁，唔好去啊!!嗚嗚...」

fing開佢手離開後，佢歇斯底里地叫停我唔想我去，但今次我真係唔可以聽你話，對唔住，我必須要去!

直至我跑到阿欣間病房嘅門口，我透過玻璃望入裡面，發現伯母拎住把刀準備要捅落阿欣度，見狀我立即破門而入。

「仆你個街你對阿欣做乜野，同我死撚開。」



我衝入去後右手拉弓正準備向伯母臉孔，左手亦準備抓住佢，我諗住咁樣加埋我嘅衝力打過去應該會痛啲，

但當我走到伯母身邊時，我未揮拳同抓住佢佢已經比我更快地一手抓住我並抽左我起身，我雙腳離晒地，伯母真係好大力。

「你條死仔，我已經告誡過你叫你唔好黎阻住我，亦俾左條生路你，點解你仲要黎?」

伯母窮凶極惡地望住我，我俾佢眼神嚇到身體不自覺地打冷震。

「因...因為我唔可以俾你傷害阿欣，我要阻止你。」

「惺惺作態，咪撚阻住我!」

講完伯母就一腳踼走左我，佢呢一腳好大力，將我踼飛左撞向牆壁將台，我個肚同背部都好痛。



呢個時候伯母已經高舉住把刀準備插落阿欣，但我個肚就痛到起唔到身，

「唔好啊!伯母快啲停手，我求下你。」

我死命地爬向伯母身邊。

「永別啦阿豪，我愛你...」

然後阿欣就擰側面地對我講永別，曾經係夢境聽到嘅一句依家竟然真係應驗左...

「啊!」

說罷伯母就一刀捅落阿欣個心口，阿欣大叫左一聲，見狀我亦都崩潰左。

「阿欣!!」

我極為激動地叫左出黎。