荒島日記（新手、後宮甜）（不定期更新）: 無腦

嗷嗚！
來福係樹上大叫，然後一嘢跳左落黎，對住其他狼發狠，其他狼見到來福之後，條尾原本豎起既即刻嚇到得低，有兩隻仲嚇到掉頭跑。

「來⋯來福咁勁既？」
雪兒係樹上問。

「肯定啦，佢地平時見開既狼都係黑色、灰色，而來福係灰白色，多數好似來福依隻色既狼都一早俾其他狼殺死左，佢地第一次見咁大隻既灰白色同類，仲唔嚇餐飽啊？」
我摸一摸來福個頭。

來福以一對十幾隻狼，但一D畏懼既感覺都無，來福走上前幾步，其他狼驚到退後幾步，來福發狠到D口水都滴埋落地。突然來福咆哮一聲，其他狼嚇到即刻狼狽掉頭喪跑。



我見其他狼跑走曬，留低死左同半死狀態個隻，見到隻狼臨死前咁痛苦掙扎，於是走過去個隻死唔去既狼度，補返最後一刀，隻狼就無再掙扎。

（願你走得安詳。）

三女見狼群走左，就即刻落返黎。

「大陸仔，你無事啊嘛？」
雪兒圍住我走左一圈。



「無事啊，無受傷。」
我對住雪兒笑一笑。

「文健你個扑街！你想害撚死我地啊！」
辣椒妹對住文健咆哮。

「啊⋯我⋯對唔住⋯」
文健得曬頭。

「對唔住大撚曬啊！我要打撚死你個扑街！」


辣椒妹想一拳打落去，雪兒同秋儀攬實辣椒妹，令辣椒妹打唔到文健。

「大家唔好嘈啦，我地快D走，依度已經俾狼發現左，佢地肯定會再返黎報仇㗎，我地唔可以係度逗留太耐。」

「係囉係囉，我地快D離開依度啦。」
雪兒即刻拖實我隻手。

「大佬大佬，依D粗重功夫等我黎啦，你好好拖實雪兒就得啦。」
文健講完就攞起旅行袋，呵！不過佢實在太天真，以為咁樣我就會原諒佢？等到安全既時候，我實教訓佢。

大家於是急急腳向山上跑。
「文健呢？文健又唔見左既？」

「佢老闆啊！佢又玩鳩我地一次啦！」
辣椒妹嬲到爆炸。



「呵⋯係度係度！我係後面啊！呵⋯」
文健係最後面跑咁過黎。

「快撚D啦！又開追悼會既啦！」
我講完後加快腳步拖住雪兒跑。

「係⋯係啦⋯」
文健攬實個旅行袋不停咁加速。

嗷嗚！嗷嗚！嗷嗚！
跑左二十分鐘，後面遠處聽到狼既叫聲，而且一聽就知⋯數量肯定比頭先多好多⋯

「大陸仔，點算啊？」
雪兒好緊張咁問。



「唔洗驚，我地跑左咁耐，佢地肯定搵唔到我地，仲係原地度。」
我好自信咁同雪兒講。

嗷嗚！
（唔對路⋯點解狼群既叫聲越來越近⋯）

「大陸仔⋯D狼已經追到過黎啦⋯」
雪兒驚慌咁望住文健背後，有幾十隻野狼係遠處追咁。

無奶油既，D狼應該唔會咁快知道我地既位置㗎⋯⋯我望一望後面跑得好辛苦既文健，再望一下個旅行袋，文健⋯你唔會又玩我地啊嘛⋯

「文健你個扑街！你用旅行袋裝左D咩啊！」
我對住文健咆哮。



「我⋯我裝左頭先個兩隻狼囉⋯」
文健好驚咁講。

「你個粉腸！個旅行袋滴曬狼血！吸引D狼追我地啊！你有無腦㗎！你個腦裝屎㗎？」

文健望住旅行袋滴出黎既血水，一滴一滴咁引領狼群走向依度⋯⋯