荒島日記（新手、後宮甜）（不定期更新）: 郵輪.五
咳⋯⋯咳⋯⋯
辣椒妹嘅鼻鼾聲響遍整個房間，將原本睡夢中嘅我嘈醒。
我看一看旁邊嘅三女，只有我一個人醒來，三人訓到成隻死豬般，
我調整呼吸，好讓自己快啲進入睡眠，但辣椒妹嘅鼻鼾聲一直在我耳邊圍繞著，令我毫無睡意⋯
嘗試咗十幾分鐘，仍然無辦法入睡，於是我走出露台吹吓海風，睇吓夜晚嘅大海，拉開小小個門，就聽到強勁嘅海風聲。
算⋯都係唔好吹海風⋯好容易感冒⋯
我關上露台嘅門，然後走出房間，企係房門外嘅走廊，挨係欄杆上發呆。
凌晨嘅郵輪果然係漆黑一片，伸手不見五指，只有極少量嘅月光從最頂嘅玻璃照射落嚟。
噠⋯噠⋯噠⋯
樓下大堂突然傳嚟奔跑嘅腳步聲，我伸出頭去望，只見大堂漆黑一片，乜都睇唔到，十數秒後，便聽到跑步聲轉移到樓梯位置，好奇心驅使我走向樓梯方向，到達樓梯嘅時候，便見到有個人影好快速地跑上嚟。
那個人影見到我後立即呆咗，而樓梯下再次傳嚟跑步嘅聲音，人影緊張地望了一眼樓下嘅位置。
此刻郵輪實在太暗，我睇唔清楚眼前嘅人影嘅樣貌，只睇到佢有一把到下巴位置長嘅短髮。
「弊⋯點算⋯」
眼前嘅人影好細聲地說到。
由於十分接近，我隱約看到佢留有到下巴位置嘅短髮，再加上依一把聲線，我好肯定，佢係個女仔嚟。
此刻樓梯下傳嚟一把氣喘嘅中年男人聲。
「你老味⋯竟然要我爬幾層樓梯⋯俾我捉你返去實好好打一鑊金⋯」
打女人？
中年男人已出現係短髮少女背後，然後伸手捉住短髮少女嘅手。
「仲唔俾我捉到你？」
一想起個短髮少女可能要俾個中年男人打一鑊，我就二話不說直接向著中年男人起飛踢，狠狠踢係佢嘅肥肚腩到。
雖然我手臂受咗傷，但對於自己嘅腿功都係幾有信心，話曬參加過幾年學界足球。
中年男人仍然唔肯鬆開隻手，我對住佢嘅手臂連踢數腳，終於痛到佢鬆開手嚟。
「啊⋯我隻手⋯仆街⋯」
趁佢仲未反應過嚟，我便向佢個頭部嚟一個重踢，佢痛到啊叫一聲趴係地上。
其實我已經收咗少少力，如果全力踢佢，佢個頭應該就會好似西瓜咁爆開。
「跟我嚟⋯」
短髮少女隨即拉住我隻手向樓上跑，留下在樓梯裡痛叫中嘅中年男人。
「你個仆街⋯竟然夠膽打我⋯唔好俾我知道你係邊個⋯我實唔會放過你⋯⋯」
樓梯嘅中年男人按住頭部嘅位置說到。
短髮少女沒有理會樓梯裡中年男人嘅說話，佢頭也不回一直拉住我向上跑，跑到八樓嘅其中一間房門外才停下。
「快啲跟我入嚟⋯」
咔嚓，短髮少女開咗門後，便快速扯我入房裡面，然後便關上門。
短髮少女見到我想講嘢，立即用手按住我嘅嘴巴。
「噓⋯唔好出聲⋯」
噠⋯噠⋯噠⋯噠⋯
我地兩個此刻面對面，大家都好努力咁去壓抑住自己嘅呼吸聲z
門外傳嚟走動嘅聲音，而且聲音愈嚟愈接近我地⋯然後⋯
咔咔！
房門傳嚟敲門嘅聲音，將係房裡面嘅我同短髮少女嚇到心跳加速。
唔會咁快就俾個中年男人發現啊嘛⋯
「Jennie？係我，你訓咗未？」
房門外傳嚟一把男人聲音，並唔係樓梯中年男人嘅聲音，但把聲，好似曾經係邊到聽過。
「哦⋯舅父⋯你等一等。」
短髮少女應了門外嘅男人一聲後，便拉著我到衣櫃前，然後打開衣櫃將我推入去後關上衣櫃門。
「噓⋯唔好出聲⋯嚟喇！舅父！」
咔嚓！開門聲隨即響起，便聽到門外嘅男人走咗入嚟，嗒！突然有白色光線從外照射入衣櫃裡面。
係燈光⋯係房間裡面嘅燈光⋯
「你做乜滿頭大汗嘅？」
男人看到短髮少女後問到。
「我⋯我啱啱發噩夢⋯」
短髮少女回答到。
男人在房裡來回走了一圈後，便坐係梳化上，我好想看清楚男人嘅樣貌，但衣櫃門罅實在太窄，完全睇唔到外面嘅情況。
男人坐係梳化上望了短髮少女一陣。
「Jennie，聽舅父講，以後唔好再去個到喇。」
短髮少女有些激動地說到。
「舅父⋯阿奇失蹤前同我講去佢地個到㗎⋯所以佢地一定知道阿奇去咗邊⋯」
「你唔記得以前應承過舅父啲咩？你話過會聽聽話話，舅父先俾你嚟。」
「但係⋯⋯」
男人隨即語氣變得嚴厲。
「唔好但係喇！總之聽舅父講！唔好再去個到喇！我唔想還唔到個女俾家姐！」
說罷男人奪門而出，留下短髮少女在房裡，我係衣櫃裡等待了近一分鐘，確認男人已離開後先打開衣櫃門，看到坐在地上正在抽泣中的短髮少女。
短髮少女見到我從衣櫃走出後，便停止抽泣，雙眼一直掃視打量我全身。
我終於看清楚短髮少女嘅樣貌，天生秀麗眉清目秀，瞳孔清澈而通透，一一刻在佢細到只俾我拳頭大啲啲嘅小臉。
短髮少女突然揑著鼻說到。
「你好臭啊，不如你沖個涼啊。」
「沖⋯沖涼⋯」
我仲未反應過嚟，短髮少女就已除去我身上嘅衣物，我全身只留下一條底褲。
「啲水慳啲用啊，綠色個支係沐浴露，藍色個支係洗頭水。」
短髮少女講完便關上浴室門。
我看著浴室裡嘅燈發著黃光，然後攞起花灑，花灑噴出少量嘅水，沿住花灑頭流落嚟。
點解佢間房會有電⋯點解佢個浴室係會有水㗎⋯⋯
待續