越界的姐弟戀（甜）: 大學篇第一部 - 第四章 ： 日本之旅（四）

嚟到大阪，第一站緊係要去打卡大熱點 - 「固力果跑跑人」。

呢個景點正正位於道頓掘，係大阪知名嘅觀光區域，可以話係集美食、購物同娛樂於一區。另外，著名嘅購物區「心齋橋」都係與此連接，所以我就選擇咗呢到作為日本之旅嘅第一站！

我同家姐跟著google maps嚟到「固力果」，因為實在太多人都搶住同「佢」影相，所以我哋都等咗好一陣先輪到我同家姐。

輪到我時，因為想搵個人幫我同家姐影相，所以我是但捉咗個日本仔，然後用有限嘅日文，加簡單英文，再配上國際語言手勢：「斯咪媽些，help us take photo, please？」

好彩個日本仔都聽得明，所以好順利地影底咗我同家姐日本之旅嘅第一張合照！



我：「嘿嘿，我同家姐嘅第一張情侶合照，我要set 做wallpaper～」

家姐：「淨係限係日本呢幾日炸，返到香港要換咗佢！」

我：「知啦知啦，但呢張我一定會好好收藏～」

家姐：「嘻，我都會～」

打完卡後，再行咗一陣後就要去填一填個肚。不得不說，道頓掘嘅美食真係琳瑯滿目，樣樣都想食，好難揀落手。



我：「我手頭上有三個選擇比你，睇下你想食咩」

家姐：「邊三樣？」

我：「拉麵、大阪燒同日式串燒」

家姐：「呀…我都想食呀…」

其實我都想好難揀，所以我：「不過既然嚟到大阪，咁不如就大阪燒啦好無？」



家姐：「嘻嘻，好呀」

之後揀咗間比較出名嘅大阪燒店，點咗個大阪燒同炒麵。

店員將份炒麵放落我哋餐枱嘅鐵板。

我：「家姐，等我嚟大顯身手，個麵我嚟炒！」

家姐：「你掂唔掂架…」

我：「信我啦！」

不過個麵本身其實算係完成咗7788，所以我淨係需要做下樣咁炒兩炒。

我拍拍心胸：「拿，都話無問題架啦！」



家姐噗哧一笑：「叻啦叻啦～」

不過講真，味道一般，無想像中好味，原諒我不懂欣賞。

享用完晚餐後，家姐就急急腳拉住我去心齋橋shop下ping。

家姐：「行快啲，我有好多野要買！」

我：「哎呀，我尊貴嘅家姐呀，我哋先第一日，仲有大把時間買……」

家姐：「今日有今日嘅野買，之後有之後嘅野要買，唔同架！」

日本果然係女人嘅購物天堂，個個一嚟就好似著咗魔咁，瘋狂買買買，唔洗一陣，我已經手拎456袋……



家姐：「啲鋪頭咁早關嘅咩…早知先嚟咗買嘢再食夜晚啦…」

我一臉倦態：「係囉…關咁早做咩…」

但其實嗰一刻我嘅內心係：「好彩我哋食完晚飯先行，如果唔係我實拎到手跛……」

見啲鋪頭關得7788，所以我哋就搭車返酒店。

一入到酒店房，家姐已經逼不及待清點佢啲戰利品。

家姐：「仲有好多未買，呢幾日要努力！」

我真係被女人嘅購買力嚇到腳仔軟，我就咁坐係地上。

由於今日係第一日，早起趕飛機，周車勞頓下，我同家姐都有啲攰，所以第一晚就好好哋休息，等第二日有多啲精神去玩！



固力果跑跑人打卡點：


晚餐示意圖：