那年，我為左發達去左做全職義工。: 《 1 前言 》

2017年 春 
「 沈家傑你同我入嚟！」 

「你交啲乜野比我！你同我死返出去再做過，今日收工前交比我！」我上司叫左我入房鬧我鬧到全office都聽到 

我，沈家傑，ive畢業，今年都成25歲，但係仲搵緊萬二蚊一個月。

升職？又點會輪到我吖，同公司個FG仔都拎緊萬五蚊一個月，我依啲成世仔打份牛工逗份糧，好在屋企早幾年排到公屋，如果唔係搵埋都唔夠交租，仲要同老豆老母屈係間得百零呎既劏房度。

係香港，要生存都好辛苦。 





唉，今日又OT到九點。 

「傑仔，又咁夜先返，冇留你飯呀自己淥麵食啦，你睇下人地啦隔離呀屋阿強入左港大讀醫仲要識左個靚女女朋友，你睇下你日日開OT，但又搵得雞碎咁少，阿媽同你阿爸老喇，照顧唔到你好耐，叫你細個比心機讀書架啦，大學都考唔到仲邊搵到錢⋯⋯」 

阿媽聲音係我腦入面已經自動mute左， 

每個月尾佢都會重複同樣既對白，由每次聽到我好炆，到而家我已經習慣左，

或許依個係我既命運，成世餓唔死但搵唔到大錢⋯⋯