[讓謊言與虛偽堆砌成我們的最後樂土]《終末後．新世界》: 12-信託

「即食麵……罐頭魚……罐頭蔬菜……梳打餅……鹽……水……」我和阿俊從架上取過不同的東西放在購物車上，而阿俊一直在不斷在唸需要的東西的名稱，我再確認物品的數量是否足夠。
「其實唔洗攞咁多……如果正正常常我地其實可以幾時返嚟再攞都得，喺沙田新城市個邊都有好多好多物資。」我說。
「如果冇咩事就係囉……我只係希望如果出面出咩狀況都可以捱多一陣，有足夠物資生存。」阿俊說。
阿欣原本正和男子也在收集他們需要的物品，她似乎是聽到我們的對話，來到我們面前。
「你地……阿Chris Wong同允行。」她說：「如果之後有啲咩嘢需要幫忙嘅話，同我同阿慈講就得，我地一定會諗辦法幫你地。」
她指著背後朝我們望過來的男子。
「係啊。」男子也說。
「多謝哂你地。」我感謝他們。阿俊也點了點頭。
「我叫何念慈。」男子又說，阿欣見狀，也接著自介：「我叫做林海欣。」
「何念慈……哈哈哈！你同阿陳允行同一個series㗎？」阿俊破壞氣氛地在傻笑。(註：同樣是DSE作文指定人名的梗)




「唔洗理佢佢成日都口沒遮攔。」我尷尬地怒瞪著阿俊，又說：「其實我叫阿和，鄭梓和。」
「唉……笑死我啦。我叫關言俊，阿俊。」阿俊終於正經地回應。
「你俊？邊度俊啊……」我吐槽。「死仔我俊唔俊關你*事咩……」阿俊回駁。
「*……」我沒有再繼續理會阿俊，繼續將紙巾放到購物車。
阿慈阿欣和阿俊三個聊起來，說的盡是閒話家常。
「真係社交能力max嘅死毒*。」我暗自喃喃自語。
不知不覺時間就流逝，轉眼間已經來到三點多，我和阿俊決定離開商場、出發去阿俊的家。
「再見。」沙角商場入口大門前，我們和阿慈阿欣道別。
「係啦，有樣嘢想拜託你地。」阿慈突然對我和阿俊說：「如果你地經過沙官，請幫我地睇睇我地嘅學校仲有冇人。」(註：「沙官」即沙田官立中學，是在附近的一間中學)
「好啊。」我答應。




「應承我地，點都要喺呢個世界生存落去……即使佢已經變到咁。」阿欣又說。
「我地當然會。」阿俊少有地回應這種正經的說話，我又補充：「你地都係。」
「咁再見啦，有緣再會。」阿俊說畢，我們兩個又踏上無聲的空城。
我和阿俊又轉身和後面的兩個人影揮手訣別。
雨很早就已經停了下來，零星的水滴卻依然不斷從旁邊的雨簷落下，在濕潤這個殘破而寂寞的世界。