有日，魔法少女搬嚟我屋企: 偶遇.3

一個小時過後，我媽終於回來了，並且還帶來蝦、螃蟹等海鮮，水果也買了幾種，芒果葡萄哈密瓜等等。


「媽⋯洗唔洗買咁多啊⋯」


「我唔知佢地鐘意食咩，所以就乜都買啲返嚟，無所謂啦，大家食得開心就得啦。」我媽笑著把東西拿進廚房裡。


「唔好意思⋯要你地咁破費⋯」以沫因為我媽的熱情感到不好意思。






「唔洗客氣⋯我唔好意思就真⋯我都估唔到我媽會咁熱情。」


我媽在廚房裡一邊哼著小曲一邊做飯，很少見到她會這麼開心，可能是這麼多年，她終於看到自己兒子有朋友吧。


從小我就和其他孩子不怎麼好，上學沒有同學做我朋友，鄰居家的孩子也不會和我做朋友，每次上學需要小組討論、小組合作的時候，我都是給老師安排進那個小組
的。






「食得飯啦！」我媽端出九道菜出來，把我嚇了一跳，以沫和凌月驚訝得不知道說什麼好。


「食啦食啦，唔洗客氣㗎，阿姨好俾心機煮㗎，食多啲啦。」我媽招呼以沫和凌月坐下來吃飯。


凌月開口說：「咁多⋯我驚食唔曬⋯」






「食唔曬就俾我聽日做早餐囉，無所謂㗎，無所謂㗎。」我媽說完，就夾起菜到凌月和以沫的碗裡。


對了，現在回想起來，她們兩個可是要在這裡住幾天的，怎麼和媽開口呢⋯如果我媽反對怎麼辦？難道我要給她們抓回去禁錮？


不行，我可不想給她們抓回去看著。


我硬著頭皮說：「媽⋯以沫同凌月⋯要係到住幾日⋯得唔得啊？」


我媽聽到後立刻瞪著我，這個眼神是拒絕？還是生氣？她雙眼慢慢合成一條直線。






「住啦住啦，想住幾耐都得。」我媽的熱情程度讓我感到驚悚。


「多謝你啊伯母。」以沫笑著謝謝我媽。


吃完飯後，我媽拒絕了凌月和以沫的自願洗碗，獨自一個人在廚房裡，而凌月也進了洗手間洗澡，大廳裡，只有我和以沫兩個人相處，我要把握這個非常難得的機會。


我坐在以沫旁邊。
「以沫以沫，你地點解會識魔法既？」


「我同凌月姐姐係細細個就已經識魔法既啦。」以沫一邊玩手機一邊回答我。






「咁你地識乜嘢魔法啊？」


「我識光系既魔法，你今日見到既啦，係啦，好彩今日殺你個男人係新手嚟。」


「你又會知佢係新手？」對喔，以沫她是怎麼知道對方是新人法師。


「肯定知啦，因為佢追你個陣，手上既火元素球就消失左，無再繼續聚集埋一齊，一般新手既魔法唔夠穩定，所以佢追你個陣就無用到魔法打你，要企定係度先可以用到魔法，而且佢聚集元素球既時間好耐。」


「魔法咁勁，你可唔可以教下我啊？」我誠懇地看著以沫。






以沫這種喜歡幫助別人的女生，肯定會給我打動的。


以沫搖搖頭說到：「唔係各個人都學到魔法㗎。」


「但係你個白袍姐姐話我有魔法保護咁我個腦，咁即係我有魔法既資質啦。」


「咁我都唔知你係邊種魔法。」


「咁你教我光屬性魔法就得啦，等我學識幾招，以後見到敵人都唔洗跑啊嘛。」我更加靠近以沫身邊說。






「唔係㗎，每個法師既魔法都係上天註定㗎，我天生就光屬性，凌月姐姐天生就⋯」以沫還沒說完，洗手間門打開，凌月狠狠的盯著我。


凌月用手指著我：「你個死毒撚，趁我沖涼就問以沫關於魔法既嘢。」


「問下又唔會令你少左忽肉。」我不服氣她罵我，雖然我是，但我不喜歡別人這樣稱呼我。


「你過幾日就會無曬依幾日既記憶，唔忘
記得依幾日既嘢，你知咁多做乜。」


「你唔俾我依幾日學識魔法啊！」我學奇異博士的手勢對著她。


「以你個資質！以你個智慧！想識魔法？咪玩我啦！你一日係Loser，一世都係Loser！」凌月說完，便抱著肚子大笑。


真的是欺人太甚，我氣的立馬跳過去想抓住凌月，凌月瞬間察覺到我的動作，立刻伸出腿把我踹在地上。


以沫看到我被凌月踢倒，想立刻走過來扶我，但給凌月阻止了。


凌月一腳狠狠的踩在我的肚子上，然後她彎下腰，瞪大雙眼用指尖按著我的頭，對著我說道：「想打得贏我？等下世啦，Loser！」


我捲縮睡在地上，流下了一滴男人淚⋯

想不到我堂堂一個大男人，竟然打不過一個女生，而且還要輸得這麼徹徹底底⋯叫我以後怎麼見人⋯