[專員≠Hugo] 我係溫文樂，奉命調查一宗垃圾站藏屍案: 四十五

慈雲山，溫文樂既住所當中。 

芷晴上左溫文樂既屋企，依舊為佢準備晚飯。 
溫文樂雖然冇講出口， 
但係芷晴知道對方早已經當自己係佢既女朋友。 
諗到呢到，芷晴不自覺咁甜笑。 
一笑傾城。 

砰既一聲，溫文樂屋企既大門被粗暴打開。 
芷晴對於突如其來既巨響嚇到手足無措， 




不過好快就回復冷靜。 
因為佢知道番黎既係溫文樂。 

“你番黎喇？”芷晴除低圍裙，走去迎接佢。 

今日既溫文樂睇落有d唔同，不過芷晴又講唔出有咩分別。 

“我沖個涼先。”溫文樂望左芷晴一眼，就走左去浴室。 

芷晴對於溫文樂既冷淡有少許愕然， 




不過細心既佢就諗到溫文樂一定好攰， 
仲怪責自己點解要因為呀健既事同佢嗌交。 
其實佢係專登埋呀健身，因為佢查到呀健同Candy有關係。 
可惜仲未查到乜野，就比溫文樂誤會左。 
於是，芷晴決定為佢準備一餐大餐，同佢解釋一下。 

浴室之內，嘩啦嘩啦既花灑不停衝擊溫文樂。 
只見溫文樂額頭貼住牆，猶如一個活死人。 

不過仔細D睇，溫文樂原來不停喃喃自語。 





“死八婆，賤女人。你死硬呀！嘿。 
女人冇個好人！我要殺哂你地！嘿。” 
================================================================== 
另一邊廂。 

Hugo對於殺人一事依然猶有餘悸。 
佢而家坐係一家酒吧當中，希望以酒精麻醉自己。 
不過佢希望享受既片刻寧靜， 
卻因為一句突如其來既說話而被打破。 

"警察，而家你涉嫌同一宗連環謀殺案有關， 
請你跟我地番去協助調查。"