《印度 · 尋油 · 台灣妹》: 序

俗語有云 "食色性也"，男人天生就係咸濕㗎喇，由出世一刻，講第一句嘢，成長到老，男人就好似中咗圓形魔咒一樣，深深比圓形物體所吸引，連達爾文都解唔開 ……


所謂歲月不饒人，科技點先進、點發達，人始終都敵唔過時間，任你後生果時一晚七，勁到曉飛都好，男人一到某個年紀，都可能會出現有心無力，無黎神氣，死蛇爛鱔 …… 等問題，正如阿邊個所講，「最鋒利嘅都有生銹嘅一日啦，何況係碌撚！！」


有求自然有供，當出現咁嘅情況，醒目商人就會推出各式各樣提升性能力嘅產品，咩偉哥呀、一柱擎天、誓不低頭 …… 數之不盡，其中有一種較為 old school 啲嘅，叫 《印度神油》！！


响星爺嘅電影 <食神> 同 <破壞之王> 入面，都提及過《印度神油》，直至依家仍然有唔少人深信 《印度神油》能夠起死回生，重振雄風，其中有一個就响我身邊！






一個同《印度神油》有關嘅愛情故事正式開始 ……