我係個電台DJ，每晚都做個無咩人聽嘅節目: 莫子月給陳羽的信
「陳羽:
或者今次係我最後一次咁叫你啦。
再見啦，我要暫時離開一下香港。
好多謝你喺我留港嘅最後一晚都陪到我咁夜。
話俾你聽啊，其實頭先你送到我落樓下果陣，我一直都冇走，直至望到你嘅身影完全消失，我先捨得翻屋企。
記唔記得9年前你同我第一次一齊坐果陣嘅情景？我靜靜雞同你講啦，其實我喺之前已經有留意住你架啦。
我甚至傻到，偷偷地同老師請求，可唔可以調去聰明嘅你嘅隔離，話就話可以向你請教功課，實際上就當然。。哈哈哈！係咪覺得我好有心計呢？
不過我都好幸運，可以認識到你，同我一齊渡過呢咁多年一切易過嘅，難過嘅關。
我曾經有諗過好多次，應唔應該同你講我有呢個病。但我諗黎諗去，我都唔想俾你見到我甩曬頭髮，瘦曬嘅樣；唔想俾你見到唔再咁有活力嘅莫子月。
信我啊！我一定會翻黎同你再見面。
唔知有冇機會同你一齊睇呢封信呢？如果可以嘅話唔好一邊睇一邊笑我蠢啊！
愛你嘅..李光粥」