[校園][純愛]《幸運星下的預言》: 第二十三章

講下講下都去到六點半

學校都夠鐘收皮

我:「頂真係做唔切」

筱瑜:「唔緊要啦都唔係差好多啫」

我:「今晚返嚟幫你搞掂佢



話咗不嬲都有責任心唔係鳩噏」

筱瑜:「冇人話過你吹水

走咯」

一路行嘅時候，

筱瑜:「係喎一陣如果你有咩唔明咁點呀」



我:「唔會……掛」

筱瑜:「你都唔肯定呢」

我:「簡單啦你俾msn我咪得囉」

唔係講笑

嗰陣我唔係真係想拎佢msn



而係真係諗唔到有咩方法可以溝通

嗰個年代最簡單梗係msn啦

筱瑜:「都得嘅

不過我返到去冇咁快上到網喎」

我:「點解呀」

筱瑜:「我部電腦壞咗呀

叫咗個朋友禮拜六上嚟整

咁我又唔想用家姐嗰部



費事阻住佢啦

就係咁喇」

我心諗

嗰位整電腦嘅朋友九成係男仔啦

一於問下先

但係如果直接問又驚佢亂諗野喎

所以一定要婉轉啲扮到不經意咁樣



各位一定有共鳴啦，

想問又唔敢直接問，

就係怕對方知道你嘅目的

唯有嘥好多時間去遊花園求答案

我:「靚唔靚女架」

筱瑜:「男仔嚟架」

我:「哦

原來你出面有個嘅」



筱瑜:「點解你講到咁衰架

青梅竹馬嚟架細細個識到大

家姐都識佢

同埋佢有女朋友架喇」

聽到唔係情侶關係即刻鬆咗一跳

嗰陣我唔明點解會有呢個感覺

我:「佢女朋友靚唔靚女架」



筱瑜:「靚過我囉」

我:「冇可能

咪撚扮野呀你」

筱瑜:「唔使賣口乖喇」

我:「你家姐唔俾你用佢部電腦嘅咩」

筱瑜:「唔係呀我一叫佢就會俾

不過唔想阻住佢做野啫

都知佢上到u好多野做

咁就唔好麻煩佢啦」

我:「幫人諗埋真係服咗你」

筱瑜:「家姐嚟架嘛

我最唔鍾意就係麻煩到人」

我:「咁樣今晚點樣聯絡」

筱瑜:「你幾號電話呀我打俾你呀

咁咪有電話囉」

我:「屌唔好提我今日冇帶出嚟」

筱瑜:「係咪咁啱呀今日冇帶」

我:「呃你有寶咩」

筱瑜:「咁呀

你有拜冇紙筆呀我寫我電話俾你丫」

跟住我就將我本手冊俾佢

叫佢喺第一頁寫低

筱瑜:「嗱搞掂喇

都係唔好，

不如你俾埋你電話我

費事你一陣睇唔明」

我:「你講咩唔明呀」

筱瑜:「俾咗先啦」

我:「99999999」

筱瑜:「好啦咁我一陣打俾你架喇

拜拜」

我:「蠱蠱惑惑咁樣

拜拜」


返到去真係即刻開工

嗰陣打咗六七成左右，

陣間重要沖涼同埋食飯

嗰度又冇咗個零鐘頭，

已經未講打機

唔係講笑真係好撚多野做

有見及此，

我就梗係勤力啲即刻做啦

冇幾耐老母叫我食飯

食完飯拿拿臨返入去房

埋好個尾就搞掂

跟住我醒起係喎，

佢好似話聽日要

咁我唔知佢幾點要交上去

事關我重要print出嚟

最濕鳩就係屋企冇printer

如果聽日朝早就要交就仆街

到時成班一鑊熟，

既然係咁我就梗係拎本手冊出嚟

睇下佢電話幾多號

準備打俾佢啦

一打開第一頁，

成個人呆咗

阿拉伯數目字我就見唔到

淨係見到六個中文字

「皆因不過初戀」

睇完之後我得一個諗法，

筱瑜你寫啲咩喺度呀