[HEHE][Chris x Jasper]《換個時代在一起》: 《奮不顧身 難捨難分》
Chris
「今後的歲月 讓我們一起瞭解
多少天長地久 有幾回細水長流
我們是對方 特別的人
奮不顧身 難捨難分
不是一般人的認真
若只有一天 愛一個人
讓那時間每一刻在倒退
生命中有萬事的可能
你就是我要遇見的 特別的人」
《特別的人》方大同
Jasper
「不甘給這個城市去綑綁
斗膽忠於己見痛快得多
活著求能盡興的愛人 別要想得太遠
So make it last, and make it last
無愁無慮去愛哪管落霞
別理於將來 這愛會否昇華
來認真感覺目前 這一剎那
只要在乎 這秒鐘的對白
還待光陰飛過 眼前騰空了 才後悔嗎
Make it last」
《Make it last》J.Arie 雷琛瑜
「喂。」Jasper把來電接了。
「皓庭，你點啊？你係有事定病左啊？請兩日假咁多既？你以前好少請假架喎，有咩我可以幫到你架？如果你係病呢，我睇開個醫生好勁架，食兩次藥就一定好返架喇，我介紹你去啊，都係我幫你book埋，佢開到好夜架，你宜家去都趕得切架。」康婷炮語連珠地關心著他。
「啊⋯⋯無事啊我，我屋企有少少事者。」
「咁就好喇，我⋯⋯我地成班好擔心你架，忽然間請兩日假喎，大家都驚你有事。」康婷停了一停，又說，「我一放學就whatsapp左你好多次⋯⋯你都無應我，所以我忍唔住打過黎⋯⋯」
「哦⋯⋯無事啊，無事啊。」
「無事就好喇。」康婷擔心了一整天的包伏
「係呢，你地今日自修？」Jasper突然想起。
「唔係啊，你有交低野俾我地做，仲話下星期要Quiz既。」
「哦⋯⋯哦⋯⋯係啊，係啊。」
Chris偶爾的細心聰明還真讓Jasper由心佩服。
「嗯，你無事我⋯⋯我地就放心晒喇，咁⋯⋯咁我唔阻你喇，我溫書先。」她的手輕輕的拂過桌面的書本。
「好啊，有唔識就打黎問我喇。」
Jasper掛上電話後，看一看手機的通知欄，訊息出乎意料的多，差不多多達二十條，全都是來自康婷。
一陣陣暖流不其然流入他心中，當教師最想看到的就是學生成材，還有與學生的關係良好，這兩種的成就感都能從康婷身上體現出來。
驀地緊閉的門扉傳來兩聲清脆的叩門聲，將他的注意力拉回了眼前，還來不及回應，門已被霸道地吱呀推開。
「你講完電話喇咩？」Chris從後勾著對方的頸，把下巴抵在他的肩膀上，不是味兒在Jasper耳邊說著，「個o靚妹成日都搵你既？宜家做學生做到佢咁得閒成日都打俾你既，唔洗溫書唔洗做功課架咩？」
「佢邊有成日打俾我。」Jasper淡然說。
其實Jasper說的是真，康婷都不算經常致電給他，都是在課業有難題，才會打過來，只是每一次⋯⋯剛好Chris都在場才形成這個錯覺。Jasper一句輕淡的說話，在Chris耳中感覺卻像Jasper坦護著那個女人。
「咁都唔係叫成日？三日唔埋兩日就打黎。」
「咁佢問書者，其他學生都有打俾我問既，講左好多次，佢地依段時間，我幫得幾多得幾多。」
「佢特別多喎，睇你地啲相，佢永遠都係企係你側邊，個o靚妹擺明嗒晒你糖咁囉。」
「細路女黎者。」Jasper壓低嗓子。
「咩細路女，十七、八歲都仲細路？佢望住你含晒春個個樣真係不要得囉。」
「喂，把口唔好咁衰喇你，佢對我只係局限於對師長既好奇同崇拜者，到佢畢業之後，入左大學出左社會，擴大左社交圈子，識到其他男人，就會唔記得我架喇。」Jasper轉過身望住Chris的眼底，「我都唔明你妒忌啲咩，明知我唔會對佢有啲咩⋯⋯」
「我唔係擔心你會咩，一個o靚妹又點可能贏到我，我只係⋯⋯覺得宜家個教育制度唔係好得囉，宜家啲學生讀書讀得佢咁得閒。」Chris瞇起長眼，摸著下巴，「總之唔係妒忌，我只係對宜家啲學生有意見者。」
「明喇，明喇。」Jasper笑了一笑，用手輕拍Chris的臉，「啊，係啊，你又識比野佢地做既？」
「醒目架嘛，我同你同事講，係你枱頭左手邊拎啲野比佢地做就得架喇，我知你點都會有啲野做定左既，之後一禁開你個電話，就見到你提自己要星期一前出好Quiz，咁我咪順便提埋佢地。」Chris揚起嘴角，似為自己的聰明加獎。
「叻喇。」
Chris用修長的手指從Jasper的頸間由下往上地滑向那形狀優美的下巴，在他耳邊曖昧地說道，「所以你係咪應該做返啲咩？」
「咪煩喇你，康妮唔係上黎架咩？」Jasper抓著Chris那不安份的手，挑眉笑著。
「係啊，我宜家出去囉。」
「婷婷，你真係要咁做？」Joyce隔著電話問康婷。
Joyce跟康婷是好朋友。
「我決定左架喇，三年喇，終於都等到畢業。」康婷的語氣很堅決。
「但係你覺得你同鍾sir真係有可能咩⋯⋯」Joyce的語氣剛好相反，猶疑地問著。
「點解無喎，師生戀啲新聞成日都有架喇。」康婷嘟起小嘴。
「唔係架⋯⋯Daniel講得岩，你地係老師同學生既關係，佢又大你咁多⋯⋯而且鍾sir條件咁好，應該一早有女朋友喇。」
「唉，佢教書只係職業，七年好多咩？大把情侶都係差咁上下架喇，有啲五十幾歲同十幾歲咪仲奇怪。」康婷吁一口氣，「女朋友⋯⋯佢同我講過無架。」
「你鍾意佢啲咩⋯⋯鍾sir係好好，我都覺得佢好吸引，但係我又未去到話真係愛佢，要同佢拍拖，要結婚個個地步。」
「你信唔信一見鍾情？由佢第一日踏入課室個刻，我就知係佢喇，我係真係愛佢架，我從來未試過咁鍾意一個人，日日我都想見到佢，我無一刻係唔想返學，因為只要係學校就會見到皓庭。」
「佢話學生成績好佢就會好開心，我可以成晚唔訓不斷溫書，要考音樂，我可以一返屋企就練夠五、六個鐘琴，佢覺得開心我就會做。」康婷又說。
「有一次，我見過佢喊⋯⋯我唔知因為咩事，但係個刻⋯⋯我覺得個心好痛，我都唔知點解自己都喊左出黎⋯⋯可能因為我真係好愛佢。」康婷沈默了一會兒，微一凝眸，臉色罕有的凝重，但瞬間又收起來。
「鍾sir喊過？幾時啊？」Joyce的八卦讓康婷皺一皺眉，Joyce立即補上一句，「啊⋯⋯我明既，我支持你架，爭取自己既愛情好正常，既然你咁堅決，就即管試下。」
「今年last day係幾時？」康婷問Joyce。
「好好記架，二月十四，情人節。」
「就揀情人節，到時我就唔係佢既學生，係佢既情人，個天都幫我。」康婷的話聲玩味很重，卻透著決然的堅定，以及一種近乎破釜沈舟的情愫。
「咁老定⋯⋯一陣俾鍾sir拒絕你唔好喊啊。」
「哦，咁又唔會喎，今次唔得咪再黎過，我信只要不斷纏住一個人，最後都會打動到佢架，所以等多幾年，到時我會用鍾太既身份見大家。」康婷慣性抿唇一笑。她也是乾脆利落的脾氣，當下也不繞圈子，大膽又坦白說。
「我真係好佩服你既勇氣同膽量，識你到宜家都係咁有自信。」
「我係幾有自信架，而且所有男人都鍾意我地依啲十八歲既少女架喇，我唔信我打動唔到佢⋯⋯除非皓庭鍾意男人喇，哈哈。」康婷微微頷首托著小臉，話聲如同一道和煦清澈的溪流，滲滲涼涼的，一雙微啡的眼睛帶著堅決的意思，清脆地笑了笑。