010101 的愛戀: 五

自中二我便開始打籃球，老實說我並不是太喜歡這運動。

一來是我身材矮小，二來我的速度也不快，在這項運動中完完全全處於劣勢。

只是我覺得慧娜喜歡打籃球男孩，我才開始這運動。

這時候我喜歡她嗎? 我不知道。

只是希望透過打籃球來令她多注意我一點。





顯銘: 「估唔到你都會黎打波」

我: 「當做下運動o者，籃球易約人d 」

顯銘: 「你得閒多d 黎同我打啦! 如果佢地校隊練波，放學就無人同我打。」

我: 「點解你試下選校隊?」

顯銘: 「我阿媽唔俾呀，話驚影響學業」





我: 「下...你唔選，你而家放學都係打波」

顯銘: 「唉..我都唔明」

我和顯銘因為這個原因，常常一起放學後打籃球。在校隊練習日子，就只得我倆。

令我們由這時開始成為好朋友。

我: 「唔緊要啦，睇下下年我地再試下一齊選! 選中左你唔講，你阿媽點知!」





顯銘: 「唯有係咁。咦，差唔多五點啦。返歸啦」

我的中學是在山上，如果不乘搭巴士的話，就要經一條斜路下山回家。

在斜陽照射下，我和顯銘一起步行回家。

我: 「你同曉欣而家點呀?」

顯銘: 「都係咁啦，久唔久傾下電話。」

我: 「有傾電話好似都有d 進展。」

顯銘: 「但我覺得佢當朋友多d ，不過我遲d 會試下約下佢出街。你覺得曉欣點? 」

我: 「我覺得佢好似好乖同讀書好叻。」





顯銘: 「係呀，佢屋企管得好嚴，所以想約佢都有d 難度。」

我: 「我地都就黎中三，我諗會慢慢管得無咁嚴，到時你會易約d」

顯銘: 「望就咁望啦」

回到家後，ICQ 一上線就 「喔噢」

芝麻糊: 「HIHI~頭先第一次見你打波wo~」

青城城主: 「hi~你頭先有留係學校咩?」

芝麻糊: 「有呀，都係早你少少先走~」





青城城主: 「你叫我選校隊ma 我咪要開始練下波」

芝麻糊: 「嘩，咁聽話」

青城城主: 「咁有無獎?」

芝麻糊: 「獎你兩巴掌!」

青城城主: 「姑寒到死!」

芝麻糊: 「到時入到記得多謝我添呀! 」

青城城主: 「係係係..到時俾你打兩巴 ok ? 」

芝麻糊: 「成年後，計埋息要四巴 」





青城城主: 「仲要收息... 」

芝麻糊: 「呵呵!緊係」

-----------------------------------------
長大了，總會覺得青春的時候十分美好。

但很多時其實是回憶美化了我們的青春，

「我的美好只存在你的回憶中，因為這兩個字早已與我無關。」