《毒L和初戀相識的日子》: 第十九章 小幸運

第十九章 小幸運

入到戲院，套戲係講女主角林真心回憶番自己學生年代嘅點滴，包括初戀。雖然當年男主角要退學去美國導致佢地冇正式一齊，但係佢地喺結尾都相遇番。

我好投入咁睇，好快已經睇完出片尾喇。

「原來你是我最想留住的幸運，
原來我們和愛情曾經靠得那麼近...」

首電影主題曲幾好聽，亦都好有共鳴。





「好感動阿個結局。男主角好偉大，為咗兌現同初戀嘅承諾，專登籌備劉德華個演唱會，最後佢地兩個人仲可以重新相遇，一齊行入去聽個演唱會。」Winnie喺影緊片尾戈時同我講。

「係阿，咁耐之後都記得同初戀嘅承諾，好難得。」

「唉，可惜我連男朋友都冇，又點會遇到呢D事吖...」Winnie扁起嘴咁講。

其實我都唔知點應佢，佢係咪想暗示啲咩呢？唉，女人心真係好難觸摸。

「哈哈，妳咁好，總會有男朋友嘅~」 我嘗試安慰住Winnie。





「真係咩？你又知。」

「你地仲唔行？」晴晴行過嚟對我地講。

原來戲院嘅人已經走得七七八八。

「行囉。」我回應。

出咗戲院之後，時間係六點半左右，距離食飯時間仲早。





「我想同晴晴兩個人行吓，一陣八點漢和樓下等，已經book咗枱，你地有冇問題？」Paul同我地講。

「冇呀，唔阻你地二人世界。一陣見啦。」Winnie回應。

此時，阿Paul偷偷向我做咗一個「加油」嘅口形。

「我地去邊好？」我問Winnie。

「我想去買杯珍珠奶茶飲，你陪我去？」

「好呀，行囉。」

「男班長呀，其實呢... ...」 Winnie似乎有啲野想同我講。











與妳相遇，好幸運。