《毒L和初戀相識的日子》: 第二十七章 有口難言(下)

第二十七章 有口難言(下)

[表白]

我同Winnie你眼望我眼，之後家怡突然話:

「唔識就pass啦。」

「咁又唔洗。拿，兩個字嘅。」Winnie回應。





「係一種行為，多數男仔做嘅。」我回應。

「你示範吓吖。」Winnie抱有期待地同我講。

「吓？！」我回應。

「快啲啦，Joseph哥！」阿Paul對我講。

「好啦好啦。你地留意我示範喇。」我無耐地回應。





「我... 想妳... 做... 我... ... ... 女朋友... 呀。」我緊張地對住Winnie講。

我講完之後，成班一齊歡呼同拍手，連Billy sir都笑哂口咁拍手。至於Winnie，佢喺度微笑，我睇得出係發至內心嘅笑。

其實我都講左係示範，你地係咪唔識聽中文。

「快啲估啦。」我對佢地三個講。

「表白嘛！」佢地異口同聲地回應。





「好喇，夠鐘，第二組成績係42題。」Billy sir同我地講。

之後第三，四，五，六組分別仲中29, 35, 39同46題。雖然赢唔倒，不過大家都玩得好開心。

到放break戈時，我落去汽水機買咗盒朱奶諗住比Winnie。喺我準備上番班房時，我竟然撞倒Winnie。

「請妳飲㗎。」我對Winnie講。

「多謝喎，男班長。」Winnie好開心咁講。

「咁熟唔洗客氣啦。一陣一齊放學？」我問Winnie。

「今日唔得呀，我約咗人阿喺學校等。聽日一齊番啦。」

「約咗男仔呀？」我好奇地問。





「唔知呢~」Winnie回應。

放學之後，Winnie留低等人，我個心唔知點解有啲唔舒服，覺得佢有啲嘢。於是，我決定偷偷地睇吓Winnie約咗邊個。

Winnie企咗喺地下校門附近等人，我偷偷喺二樓樓梯望落地下觀察住。

「喂，有乜睇？」突然有人拍我，原來係阿俊。

「冇阿。咦，Jenny呢？」我問阿俊。

「佢有嘢做走先呀，我啱啱交完份功課就見倒你。咦，戈個咪Winnie?」

我將個情況話咗比阿俊知。





「嗯，Winnie咁令女自然多男仔追，你又唔爭氣啲。」

「我未準備好嘛。」

「機會唔等人㗎。中意就去馬啦，如果唔想自己後悔。」

呢個時候，Winnie向後方打招呼，似乎佢約咗戈個人到咗，不過喺我個角度暫時睇唔倒。十秒之後，戈個人行咗出嚟，戈個人係........


















有口難言，因為唔敢講，可能會錯過一啲機會。