《毒L和初戀相識的日子》: 第一百四十四章 模擬面試

第一百四十四章 模擬面試

話咁快今日已經係第四科全人發展嘅最後一堂。今堂要做一個模擬面試，全班分為兩大組，每組十三人，而另外戈組已經喺上個星期完成咗呢個模擬面試。

我戈組嘅人有阿Paul、晴晴、阿俊、Jenny、家怡、阿添、阿明、阿安等等。

呢個模擬面試嘅方式係每個同學要上網揾一份工或者學科，之後print出嚟交比Billy sir，佢會扮係戈間公司或者學校嘅人去進行面試。

我地準時入到班房，見倒啲枱凳都移動過，有兩行對住嘅七張枱凳橫排平放，兩行嘅中間就有兩張枱凳橫放。





「大家好，今日要幫大家進行呢個模擬面試，咁我首先會派十二張分紙比大家，你地需要為其他同學嘅面試表現去比分，呢個分佔成個面試嘅10%。」

「咁事不宜遲，有請第一位同學。」Billy sir對全班講。

我地坐咗係橫排，而中間嘅兩張枱一張係Billy sir坐，另一張係面試嘅戈位同學坐。

阿Paul同晴晴都係揀咗去City U嘅其中一科升學，Billy sir扮面試官戈陣用英文問佢地問題都對答如流。

我、阿俊、Jenny同家怡都揀咗一份同我地科有關嘅工，Billy sir扮戈間公司嘅HR同我地面試期間都好順利。





阿添都揀咗份工，不過對答唔係咁順利。

至於阿明同阿安佢兩個都想繼續升學，不過我唔清楚佢地想去邊間。

話咁快我地十三個人已經全部面完試喇，Billy sir對我地表現嘅整體評價都幾好。

「恭喜大家已經上完所有嘅全人發展喇。咁我地如無意外應該唔會再見喇，預祝大家順利畢業同埋搵倒適合自己嘅出路啦。大家喺走之前麻煩幫我搬番好啲枱凳，唔該哂。」Billy sir對全班講。

落堂之後，我同阿Paul、晴晴一齊走，行去沙田火車站。





「估唔到咁快就已經上哂全人堂~」阿Paul感嘆地講。

「亦都即係我地就快要去實習喇。」晴晴回應。

「不過梁sir仲未同我地講實習啲嘢。」我回應。

「佢做嘢一向咁慢㗎啦。」晴晴回應。

「咪係！」阿Paul回應。

距離完sem得番兩個星期，一月開始就要去實習，相信又會係一個新開始。











我仲未決定好將來條路點行。