《毒L和初戀相識的日子》: 第一百八十五章 湊錢送禮物

第一百八十五章 湊錢送禮物

家怡用信息問我夾唔夾錢買份禮物比Christy，喺下星期送機戈陣送比佢，我回覆番佢話冇所謂。至於買咩送比佢，我暫時都未知道。

過咗一日到星期一朝早，我如常番工，準時番到去開始做嘢。

做咗一陣嘢，家怡就嚟搵我收錢喇，佢叫咗我出一出去。

「Hey Joseph，我嚟搵你收錢呀。」家怡向我講。





佢真係好得閒，佢個部門好似冇嘢做咁。

「每人夾幾錢呀？」我問。

「一千蚊呀。」

「妳玩嘢呀？」

「講笑姐，一百蚊得喇。」





「妳諗住買咩禮物比佢呀？」

「佢之前話想換過一個新嘅耳機，晴晴佢哋都會夾埋一份。」

「咁交比你哋去買喇。」

「得啦，我會同晴晴去買。唔該你保守秘密，唔好同Christy講我哋會送禮物比佢。」

「係嘅，收倒。」





之後，我將一張一百蚊紙幣比咗佢，然後番去做嘢。

過咗大約五分鐘左右，我同事阿輝帶咗位新人入嚟，終於肯加人入我哋部門喇。

戈位新人望落應該係三十幾歲，希望佢幫倒我哋手啦。

今次戈位新人交咗比其他同事去教佢做嘢，我同阿輝就繼續做原先嘅工作。

「Joseph，一陣我細佬會嚟比個充電插頭我，如果我行開咗你就幫我拎啦，唔該。」阿輝向我講。

「好呀，不過我點知邊個係你細佬？」我回應。

「你認住有個人行入嚟係拎住個插頭就知係佢㗎喇。」

「咁好啦，我會幫你拎㗎喇。」





「唔該哂。」

星期一總係冇乜心情番工，時間好似流逝得好慢。

阿輝突然比主管叫咗入房「傾計」，呢個時候有個拎住充電插頭嘅男人入嚟，佢係我識得嘅人嚟。




依家我先知原來佢係阿輝個細佬。