［愛情甜故前傳--無糖純愛］曾經嘅我地，都係兩條平行線⋯: 23. 迷惘

「嗱～」我見靜愉利到番嚟，即刻拎埋支水行過去，因為要「將功贖罪」，「你跑咗18圈～」

「你有數到呀竟然～」靜愉笑起嚟挪揄我，「仲以為你睇到咁入神，數唔到添～」

「咩、咩呀…」我有啲心虛咁抿一抿唇，「我有數到㗎…」

「到你㗎啦，加油喎～」靜愉點頭笑道

…





「今堂就差唔多啦，下堂我地就會考埋Level跑，咁大家可以練下跑啦～」老師講完就叫我地去更衣室換衫

我同靜愉喺更衣室嘅長櫈嗰度換衫，換完衫之後我地行樓梯上課室

「啱啱呢…」我拉住靜愉嘅前臂，靜愉自動地將臉靠近我，「葉子朗跑嗰陣呢，佢抽起個衫領抹汗嗰陣呢，我見到佢露咗個小腹出嚟…」

「救命…」靜愉一臉嫌棄咗一下白眼，「花痴到你…」

我冇講任何嘢，只係默默咁笑起嚟，葉子朗真係無論咩時候都好charm





「你真係花痴少一陣好唔好啫？」靜愉見到我笑，然後伸手攪過我博頭，「你咁樣花痴真係唔係好掂…」

「我冇花痴呀～」我偷偷地喺度笑，心總係心動着

「你宜家咪花痴緊囉～」靜愉無奈咁反咗個白眼，然後望住我，「你睇下你宜家笑得幾sweet…」

「咩呀…」我即刻收起咗笑容

靜愉突然間回頭望咗一眼，然後望向我偷偷地笑咗一笑





「佢嚟啦…」靜愉細聲咁樣喺我耳邊講道

我點一點頭，不過我冇望番轉頭，因為唔想咁明顯，我怕佢會知道我中意佢

葉子朗同另一個男仔一齊行，因為我聽到葉子朗同另一個男仔講緊嘢，葉子朗同嗰個男仔行過咗我同靜愉嘅身旁，我同靜愉行喺佢地嘅正後方

呢一刻我先敢抬頭望葉子朗，佢嘅背影依舊好睇，無論係著普通嘅校服，定係著運動服都好，葉子朗嘅背影一直都好好睇

企喺葉子朗嘅背後，可以見佢高高瘦瘦嘅背影；頭髮嘅長度適中，唔太長唔太短，剛好清爽；肩膀比較闊，一睇就知有承擔啦；有時佢望向佢個friend，可以見到佢嘅側面，棱角同輪廓都同樣分明

正面就唔洗講啦～點睇都係咁好睇㗎啦～嘻嘻…

「靜愉…！」正當我想同靜愉講葉子朗好靚仔嘅時候，葉子朗突然回頭望咗我一眼，我嚇得即刻將快要從喉嚨講到出口嘅說話一下子吞番落去，然後自己比自己嗆到，「咳…咳…」

「你點呀？」靜愉即刻輕輕地拍着我嘅背，我用手掩住嘴





「咳…嗆到…」我自己都冇辦法停落嚟，係咁咳，「咳…咳咳！」

「比自己嗆到，你真係好嘢…」靜愉雖然一臉嫌棄我，但佢仍然輕輕拍着我嘅背

葉子朗只係望咗我一下然後就同佢個friend一齊行咗上去，真係尷尬到…我話我尷尬呀！

「佢又會突然望我嘅…？咳…咳！」我講嘅時候，都係忍唔住笑意

「你仲笑！」靜愉突然用力咁拍咗我背脊一下

「咳咳咳！」我頓時咳得仲勁，「你洗唔洗咁大力呀！咳咳！」

靜愉反咗個白眼，沒好氣地搖搖頭





「佢會唔會都有機會中意我呢…？」我耷低頭，就好像自言自語一樣講道，「不過應該冇可能啦可…？」

我望向靜愉，我諗到呢點嘅時候，心情彷佛一下子就塌下去一樣

「你唔係冇打算表白咩？」靜愉平靜地問道，默默地望咗我一眼，「既然冇打算，你擔心咁多做咩啫？」

「我都唔知…我覺得佢中意我嘅機會其實好微，但係我又有啲希望佢會中意我…」我自己都有啲迷惘，搞唔清楚自己想點樣，「但講真呀，我想搵個機會同佢搭話，但係我又唔敢搵佢講嘢…」

我記起佢最近望我嘅眼神都有啲怪，其實都唔係特別有啲咩好奇怪嘅事，只係佢望我嘅時候，我總覺得佢好似察覺到我有啲咩一樣，感覺怪怪的

我想佢知道我對佢嘅感覺，想佢知道我係中意佢…但同時我唔想佢知道呢個秘密，因為一旦佢唔中意我，咁樣就會好尷尬…

「你咪試下同佢講嘢囉～試下又無妨嘅。」靜愉望向我微笑道，好似鼓勵緊我一樣，「你地都住得好近唔係咩？」

「我地又真係住同一區嘅，但都唔係真係咁近咋喎…」我諗咗一諗








IG Link: https://www.instagram.com/nd_cotttoncandy/?hl=zh-tw

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link