［愛情甜故前傳--無糖純愛］曾經嘅我地，都係兩條平行線⋯: 29. 氣味

葉子朗先去排隊，企喺我前面，一隻手拎住個盤，另一隻手伸入褲袋，全是硬幣嘅聲音

「你有冇兩蚊？」葉子朗忽然轉身同我講問道，「我聽日還番比你。」

「應該有…」我喺裙袋中摸咗兩摸，摸到個類似係兩蚊嘅形狀便拎出嚟，直接就遞咗比葉子朗

待我同佢都比完錢之後，我地一同行出去麵包店，感覺上葉子朗係默為覺得唔等我好似唔太好所以等埋我

「我行嗰邊，聽日還番錢比你。」葉子朗講道



「嗯，拜拜～」我微微一笑，點點頭，然後同佢揮一揮手講再見

「拜。」葉子朗依舊高冷咁講一個拜字就轉身走

我今日算唔算有進步呢？至少我同佢講嘅嘢多咗…希望有一日我同佢可以熟啲啦～

一諗起今日好似同葉子朗多咗嘢講，我就覺得好開心，而且今日佢有主動嚟搵我搭話，我真係完全冇諗過佢會有呢個行動

唔知我今晚會唔會開心到瞓唔着呢～哎呀～好開心呀～要快啲話比靜愉知先得！



…

翌日又有我最愛嘅歷史堂，咳咳！更正一下，應該話因為同葉子朗坐前後，所以歷史堂榮升為我「最愛嘅堂」

今日靜愉又冇番學啦！不過好彩我琴日一番琴去就已經話咗比靜愉知道琴日發生嘅事

我浮係記得靜愉即刻笑住咁挪揄我：

「嘩～又同人地進咗一步啦喎～你睇下咁樣咪幾好，你嘅主動有回報啦～」



我拎住書同筆記，仲有筆袋行到去葉子朗個位坐低；葉子朗一早就已經行咗去前面個位坐

當楊sir行入嚟課室嘅時候，葉子朗突然擰轉身，喺褲袋拎咗兩蚊出嚟比我

「做咩？」我疑惑咁問道

「琴日嗰兩蚊。」葉子朗講道，佢講完之後之擰番去前面，我將個兩蚊拎起袋入裙袋

坐我隔離嘅悠悠見琴呢幕，默默地望住我，好似發現咗啲咩秘密一樣咁笑

「哦～你兩個…」悠悠用口型「講」道

「你諗多咗啦…」我無奈咁笑起嚟，腦海中突然有一下覺得比人誤會都唔錯，不過都係澄清咗先比較好

「Okay…」悠悠做口型同時比咗一個Okay手勢，然後喺嘴前做咗一個拉拉鏈嘅動作



我除咗無奈咁笑同無奈咁搖頭之外，我真係唔知可以講咩好…

唔知點解，我覺得我今日嘅心情特別好咁～明明都冇咩特別嘢，但我總覺得我今日心情靚靚的

上完歷史堂之後，我地又要番番去本來我地坐嗰個位度，真係希望每一日都有歷史堂呀～雖然只係一段短暫嘅時光，不過我都已經覺得好開心啦

可以同葉子朗有咁近嘅距離，我已經覺得好開心～希望除咗靜愉之外，唔好有人發現我對葉子朗起了異心，特別係葉子朗…因為一旦佢知道咗，我地就一定連朋友都冇得做㗎啦…所以希望我對葉子朗嘅心思，葉子朗一定唔好發現

講個秘密比你知呀～有時行過葉子朗身邊，又或者同佢一齊行嘅時候，我總會聞到一股喺其他人身上唔會有嘅獨有味道

人地話，當你中意一個人嘅時候，你就會聞到一種喺佢身上散發出嚟嘅獨特氣味，其他人唔會聞到，但當你一行近佢嘅時候，嗰陣味就會自然出現

琴晚我一個人喺屋企嘅時候，突然諗起葉子朗，竟然可以聞到佢陣味！可能我成日都諗住佢啦～嘻嘻…



我起身行番去自己坐嗰個位度坐低

當我行到番去自己個位度坐低嘅時候，我發現我個筆記唔見咗，我下意識就望向葉子朗個位

「我放咗喺櫃桶唔記得咗拎番…」我喺心中默默講道

正當我要邁步走向葉子朗個位時，葉子朗剛好伸手入櫃桶拎嘢，佢個樣忽然變得一臉疑惑起嚟

葉子朗耷低頭望向櫃桶，將我個筆袋拎咗出嚟，佢望住個筆袋，然後又望向我呢邊，睇嚟佢想話我知我唔記得咗拎個筆袋

「唔好意思…」我一臉尷尬咁行過去葉子朗隔離，由佢手上接過筆袋，佢咩都冇講，只係默默地將筆袋遞比我

只係一個如此簡單嘅步驟，都足以牽起我全身上下嘅每一條神經線

我嘅心，再一次不由自主地加快咗跳動嘅速度…！



我果然比我想像中更中意葉子朗呢個男仔，本來以為我對佢只係單純嘅好感，但原來我對佢嘅感覺比起想象更大…

唔知道，我可以中意佢幾耐呢…？




IG Link: https://www.instagram.com/nd_cotttoncandy/?hl=zh-tw

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link