[喪屍][愛情][奇幻] 滅屍救港: 二十六 音樂重燃盼望

-先睇呢度: 今日係周梓樂手足逝世5個月,永遠懷念-
https://www.youtube.com/watch?v=4qNmhaWxTbo 

出了教會,我們看到有一羣人圍著圈,像是商量著要事。
走近一看,他們渾身是血,我大吃一驚,連忙退後。
「你哋...係咪喪屍?」我問。
「我哋係一個樂團嘅人,有部份曾經係前線抗爭者。我係佢哋團長。你哋係咪音樂人?」有一個沒受太重傷的男人說。
「係啊,我哋係A學校同B學校嘅學生。」允恆說。
「我哋有食物可以交換。但我哋要換子彈。」團長說。
「可唔可以用其他嘢嚟換啊? 例如我...嘅技能。」一心說。




「咩技能?」團長問。
「治療。」一心自信地說。

團長與身邊的隊友商量。
「咁多人...你搞唔搞得掂啊?」允恆說。
「我ok,反正佢哋有嘢食。」一心說。
「我隊友話ok啊,但係見你咁嘅身形,怕你負荷唔到,就幫最危急嗰五個先啦。」團長說。
「多謝你哋啊。我可唔可以食少少嘢先?」一心問。
「隨便。」團長拿來一盒冷麵。





 一心吃了一點,就去了幫傷者了。英秀和小華幫忙做哨。我和幼羚也拿了一些衛生巾,幫其他傷勢較輕的人包紮。
「點解你哋會受傷嘅?」我問。
「事緣喪屍霸住咗黃大仙狗屋,將班狗驅逐去荷李活廣場,然後狗借口話鑽石山係喪屍疫埠,就日日喺度打人。」一個男人說。
「聽人講,佢哋係想消滅「低端人口」,等我哋輸...」一個女人補充。
「仆街狗!」我憤怒地說。
「冷靜啲...」幼羚提醒。
「你哋都係唔好喺度留咁耐啦,去樂富啦,嗰邊安全啲。」男人說。
「放心,我哋都係路過。同埋多謝你哋俾嘢我哋食。」我說。
「小心啲啊。」女人說。





 不久以後,一心拖著疲累的身子走來。
「你ok嗎?」我問。
「有冇水?」她虛弱地問。
「有。」女人給了一瓶水給她。
她大口大口地喝了。
「我哋唞一陣就走?」她問。
「你ok先好走啊,如果唔係一陣有喪屍,你撐唔住我抱唔起你啊。」允恆一本正經地說。
「得啦長氣。」一心笑著說。

 「喂,不如我哋合唱首「願榮光歸香港」? 好掛住光輝版嘅「國歌」。」團長提議。
「你哋唔驚唱唱下會出事咩?」允恆問。
「唔知點解,我哋呢個禮拜一路都有唱,都冇事。可能係天父保佑啦。」他的隊友說。
「好提議。」一心說。
「反正圍爐完都要繼續打仗,為犧牲者報仇。」有個女團員說。
「何況我哋都受咗傷,要唞多陣。」男團員說。




「好,咁我哋1,2,3,go!
何以這土地淚再流...
祈求 民主 與自由 萬世都 不朽
我願 榮光 歸香港!」團長帶領我們合唱。 

唱完以後,我們像是充滿了力量和盼望!
但我們要走了,怕天色已晚,找不到容身之處。
「我哋要走啦。」允恆說。
「我哋有緣遇上,總有機會再見嘅。 保重。」團長說。

 我們告別樂團,沿龍翔道走到黃大仙。
一路上,總覺得有人在埋伏我們。
不久,只見一隊喪屍緩慢地向我們前進。
「允恆,你搞掂佢哋啦。」一心叫。
「呯!」允恆熟練地對它們開槍。但我總覺得,事情沒這麼簡單。




我立即想辦法阻止有可能埋伏我們的東西前進。
正在我苦惱之際,一大羣喪屍衝出,包圍了我們!